Yn bam smai 300 ngut ki dkhot ka 1st Meghalaya Famers’ Parliament ha u Nohprah

Shillong, Naiwieng 27: Ka Hill Farmer Union (HFU), lyngba ki Block bapher bapher ha Ri Khasi Jaintia ka la jied ia kumba 300 ngut ki dkhot jong ka  1st Meghalaya Famers parliament (MMFP) ki ban mikhmat sha Dorbar ka ban long ha ka 4 bad 5 tarik Nohphrah, 2018 ha Shillong.

Katkum ka kyrwoh khubor ba la phah da u General Secretary U bah Allfondbirth Kharsyntiew u la kyrpad ia baroh ki dkhot kiba la shah jied ba kin wan khnang khnang ha ka 1 tarik Nohprah kaba dei ka sngi pynsmai ia ki dkhot ha Mawkhar National  Dorbar Hall ha ka por 11 baje mynstep.

U la iathuh ba ha katei ka sngi yn pynsmai ia ki dkhot jong ka 1st Meghalaya Farmers Parliament da u President jong ka seng HFU u bah Commander Shangpliang u ban sa ai ruh ia ki kyntien sneng kyntiew kraw bad kumno ban btien lynti ia ki bad pynshai halor kumno ba kin iashim bynta ha katei ka Dorbar ka ban iasyriem thik kumba long ka Dorbar ki MLA ha Assembly bad ki MP ha Parliament. La kyrpad ia baroh ki dkhot ban nym pep ha katei ka sngi.

Ha ka juh ka por u bah Allfond u la kyrpad ia baroh ki dkhot ba kin pynkhreh noh ia ki jingkylli kiba ki kwah ban buh sha ka sorkar ha kaba iadei bad ka rep ka riang bad ba kin phah noh ia ki jingkylli sha u hapoh ka 12 baje shiteng sngi jong ka 29 tarik mynta u bnai khnang ban submit noh sha ka sorkar ba kan pynkhreh ia ki jubab. Lada ki dkhot kim hun ia ka jubab ki lah ruh ban buh jingkylli biang ha ka Dorbar kumba long ha Assembly bad Paliament.

 

 

What Next?

Recent Articles

Leave a Reply

Submit Comment

*