Shillong, Naiwieng 26: U Myntri kam poh iing jong ka sorkar jylla u James K Sangma mynta ka sngi u la ong ba um dei jingtip ei ei ha kaba ia dei bad ka hukum jong u Deputy Commissioner jong ka East Khasi Hills District ban bat ia ka resolt jong ki khynnah kiba khlem pyndih dawai Measles Rubela.
Haba kren ha ki nongthoh khubor u la ong ba lada ka long kumta, na ka liang jong ka sorkar kan sa bethah ia u DC ba u dei ban weng noh ia kata ka hukum, ka dei ban long ba tang ba ki khynnah kim treh ban dih ia ka dawai yn hap ban bat noh ia ka resolt jong ki khynnah.
Haba jubab ia ki jingkylli lano ka sorkar kan bethah ia u DC ban wengnoh ia ka hukum, na ka liang jongu mytnri kam poh iing ka sorkar jylla u la ong ba kin sa leh noh kloi namar kane kala dei ka por sam resolt.
Ban kdew ba u mytnri ka koit ka Khiah u Bah AL Hek ruh u la kren ia kane ka juh ka bynta bad na ka liang jong u myntri ka tnad pule u Bah Lahkmen Rymbui ruh ia la ong ba un sa pan jingshai na u DC halor kane.
