Yn  ia kynduh ka FKS  ia u Conrad halor ka jingshah kyntait 3 tylli ki Bill ka KHADC 

Shillong, Risaw 04: Ka Federation of Khasi States ka la ia kynduh   ha Lumjingsuk, Demthring Shillong ban ia kren halor ka jingpynbeit thymmai  ia  ka Sixth Schedule bad hadien ka jingiatai kaba sani bha ki la rai ban ia kynduh  ia u Conrad K Sangma myntri rangbah ka jylla.

Kane ka jingleit ban ia kynduh ia u myntri rangbah ka jylla ka long  ban ia kren halor ka jingsahkut ki jingkyntai ka Sorkar Jylla ia ki lai tylli ki bill, ka  The Khasi Hills Autinomous District (Constitution of The Federation of the Khasi Traditional Chiefs ) Bill, ba la mynjur da ka Khasi Hills Autonomous District Council ha ka 26th Risaw  2006.

Ia kane ka Bill la kyntait pat da u Lat ka Jylla yngba ka shithi DCA Department – No.DCA.54/2006/22  dated 11th Risaw 2007, kaba la ong “it is found that   the Khasi Hills Autonomous District Council does not have the legislative competence under the provisions of the Sixth Schedule to the      Constitution to enact such a Bill and to convey that the Governor has  rejected the Bill ”.

Ka Bill kaba ar, The  Khasi Hills Autinomous District (Constitution of Council of Traditional Dorbar) Bill , ba la mynjur da ka Khasi Hills Autonomous District Council ha ka 3 tarik Lber 2016 bad kaba lai ka dei ka  The Khasi Hills Autonomous District (Constitution of Subordinate Council of Traditional Chiefs and Headmen ) Rules, 2018, katkum ka Notification No. DC.XXVII/GENL/97/2018/4 under Rule 73(2) of the AD Rules 1951 kaba la pynmih ha ka 23 tarik October 2018 da ka Khasi Hills   Autonomous District Council.
Kumta ka Dorbar Federation of Khasi States kaba la ia kynduh mynta ka sngi ki la ia kren bad rai ban leit iakynduh ia u Chief Minister ban pan jingshai bad ban kyntu ba lada ki bor KHADC kim lah kim don bor ban thaw ia ka Council lane Assembly jong ki 54 Hima Khasi mano pat ba don ka bor bad lada ka bor ka shong ha ka Sorkar Jylla ka dei ka kam ram jong ka Sorkar Jylla.

Ban shim ia ka jingkitkhlieh ban  leh ia kaba donkam ym tang ban shu kyntait ban ong ba “phim don bor katkum ki kyndon ka sixth schedule” hynrei la dei ban ong la dei ban jubap ba  ” ha ba phin don bor ngin leh noh  mangi ka jylla”, la ai bor ha u Adviser & Spokesperson, FKS ban pynbeit ia ka jingiakynduh katkum ka jinglait por jong u Chief Minister. Ha katei ka jingiakynduh la rai ban wer lang ia ki Dolloi na jaintia hills bad ki Nokma na Ri lum Garo.

What Next?

Recent Articles

Leave a Reply

Submit Comment

*