Yn ia kynduhbiang ka KHADC bad 54 tylli ki hima hapoh ar taiew

LatiplangShillong, Nailur 13: Ka jingialang kaba la long mynta ka sngi ha pdeng ka Khasi Hills Autonomous District Council bad ki khlieh nongsynshar na ki 54 tylli ki hima kala shim ia ka rai ba kin ia kynduh biang hapoh ar taiew ban ia mir jingmut ha kaba ia dei bad ka jingthmu ban wanrah ka jingkylla ha ka Sixth Schedule jong ka Riti Synshar jong ka Ri.

Ha ka jingialang kaba la long mynta ka sngi ha Khasi National Dorbar Hall, la shim ia ka rai ba na ka liang jong ka KHADC  kan phah ia ka draft amendment sha baroh 54 tylli ki hima kiba hap hapoh ka jingpeit jong ka KHADC bad ki hima kin sa pule ia kane bad kin sa ia kynduhbiang hapoh ar taeiww ban ia mir jingmut.

Ia ka jingialang la pyniaid da u bah Latiplang Kharjongor EM ba dei peit ia ki Elaka ha kaba la don lang ruh u Bah Pynshngainlang Syiem CEM jong ka KHADC. Ha kane ka sngi kala don ka jingiamir jingmut kaba shai bha ha ka jingiadei jong ka District Council bad ki Syiem, Sirdar na ki 54 tylli ki hima.

What Next?

Recent Articles

Leave a Reply

Submit Comment
*