Yn ia treilang ka MPLU bad ka JCCCA halor ka jingeh ki kali kamai ha Meghalaya

Shillong, Kyllalyngkot 23: Ka seng Meghalaya People’s Labour Union (MPLU) bad ka Joint Coordination Committee of Commercial Vehicles (JCCCV) kila pynlong ia ka jingiakynduh lang ban ia kren bad ia mir jingmut halor ka jingeh kaba ki Tourist Tax bad ki Local Taxi ki ia kynduh jingeh ha kane ka jylla Meghalaya.

Kumba ka long mynta kam shym la wanrah ia ka jingmyntoi ia ki riew paidbah namar ba kam don kata ka jingailad kaba mar ryngkat. Kumba ka long mynta ki don kumba 600 tylli ki kali kamai kiba heh bad kiba rit kiba wan ban kamai sha kane ka jylla ban leit sha kylleng ki jaka jngohkai pyrthei kiba don hapoh ka jylla. Ka don ka por ba ki kali ba wan na sha bor ki poi haduh 2000.

Hynrei haba khien ha ka jingioh bad ka jingplie lad ha ka kam ka jan ki trai shnong kiba don ia ki Tourist Taxi bad Local taxi kim shym ioh kano kano ka jingmyntoi hynrei ka wanrah pyndon ka jingduh ia kiba buh kali ha kane ka jylla.

Kaei kaba jia mynta ia ki kali kiba wan na sha bar la pyniaid da ki kynhun pyniaid kali kiba na Assam bad kine ki pynbiang ia ka jingdon kam jong ki nongwan jngohkai pyrthei naduh ka bam haduh ki jaka sah, kaei kaba ka jylla Meghalaya ka ioh ka long tang ka jingjaboh na ka jingwan jong kine ki kali ba wan.

Kaei kaba kham sngewsih ka long ba kine kiba wan na ki bret pathar ia ki plastik kat sha ba lap ba shem, ka jingniah kali khlem da tip ia ka jinglong ka jaka, kum sha ki thain Sohra, Mawlynnong, Dawki, Mawphanlur bad sha kiwei kiwei ki jaka bad kane ka pynlong ba ki briew kiba ym lah ban tip ki poi sha kitei ki jaka.

Ha dien ka jingiamir jingmut ha pdeng kitei ki ar tylli ki seng kila shaim ia ka rai ba ka MPLU bad ka JCCCV kin ia trei lang ban wat lat wat lyngti ban weng ia kane ka jingeh jong ki kali kamai ha ka jylla, khamtam ki Tourist bad ki Local taxi kiba ia kynduh jingeh namar kam shym don ka jingpynbeit ryntih ia kane ka jingwan rung ki kali kiba na bar.

Ki kali kiba don hapoh jong ka JCCCV ki don kumba 18,000 tylli bad kane kala ktah ia ki shilak ngut ki briew bad 15,000 tylli ki long iing tang ha Khasi bad Jiantia Hills. Ha ka jingiakynduh lang ka MPLU kala shim ia ka rai ban ai ka jingkyrshah ia ka JCCCV kaba la dep ban phah sha u myntri kam kit kam bah jong ka jylla ha ka 6th Nohprah 2019.

Ka MPLU bad ka JCCCV ka iohi ba ka jingtrei kam kan long ryngkat bad ka Meghalaya Residents Security and Safety Act, 2016 (MRSSA), kala dei ba ka sorkar kan pynbeit ia ka jingwan rung ki kali kiba na shabar sha ki jaka jngohkai pyrthei, lada lah ban leh ha kane ka rukom ka jingmyntoi kan leit sha ki kali kamai kiba dei ki  trai shnong bad ia ki nongialam lynti kiba la tip kum ki “Tourist Guide” ha ka ktien nongwei.

Kitei ki ar tylli ki seng ki iohi ba lada leh ia kane, kan long kum ka lad ai kam ai jam ha ki kam jngohkai pyrthei bad ha ka juh ka por ki Bank kiba don ha kane ka jylla ki lah ban ai bai seng ha ka dur jong ka ram ba ki briew kin bun ia ki kali kamai na ka bynta ki samla kiba la nang la stad kiba khlem kam khlem jam bad kane kan iarap ban kyntiew ia ka ioh ka kot ha ka jylla.

Ka State Level Bankers’ Committee (SLBC) ka dei ka kynhun ba ha khlieh jong ki bank, ka sorkar jylla kala dei ban don ka jingiasngewthuh bad kane ka kommittee kan iarap na ka bynta ban kyntiew ia ka ioh ka kot ha ka jylla da kaba da kaba wanrah ia kip hang trei kam katkum ka jingdon kam ki samla ha kane ka jylla ba ki lah ban seng ia la ki kam ki jam.

Ka MPLU bad ka JCCCV kila thaw ia ka kynhun trei kam ha kaba ia dei bad kane ban budien ia ki mat jingdawa, ha ka juh ka por kine ki ar tylli ki seng lyngba ka kynthun trei kam kan hikai ia ki briew kumno ban leh ha kaba niah kali ban lait na ki jingjia ba sngewsih, ha jingiadei ha pdeng ki nongniah kali bad ki paiadbah, ba kin sngewthuh ia ki kyndon ain kiba ai dei bad ka kam niah kali kaba la tip kum ka Motor Vehicle Act bad ia ka MRSS Act 2016.

Haba ia dei bad ka Meghalaya Motor Vehicle Rules (MMVR) kaba ka sorkar kala pynkhreh la buh mynta ba ki paidbah kin tip, ka kynhun trei kam jong ka MPLU bad ka JCCCV kin pule bniah ia kane bad kan ai jingmut sha ka sorkar lada dang idon kam khnang ba ka ain kan long kaba ia dei bad ki paidbah ba kin lah ban bud ia ki kyndon jong ka ain.

Kum ka kynhun ki kyntu ia ka sorkar Meghalaya ba kin pyntrei kam da ka jingsngewthuh khnang ba ki paidbah ka jylla kin ioh ia ka jingmyntoi, la kyrpad ruh ia ki paidbah ba kin ai ka jingkyrshan na ka bynta ban plie ka lat la kynti ban ioh kam ioh jam bad ha ka juh por ba ka jylla kan don ha jingshong suk shong shngian, kane ka long katkum ka kyrwoh kaba la phah lang da u Bah  Erwin K Syiem Sutnga muktiar bad u President ka seng MPLU, u bah Wandonbok Jyrwa lamphang ka JCCCA, Bah B Basaiawmoit General Secretary ka MPLU bad u bah Kordor L. Mawlong  Secretary JCCCV.

 

 

 

 

What Next?

Recent Articles

Leave a Reply

Submit Comment

*