Shillong, Lber 19: Kawei na kilad pynmih pisa kaba u myntri rangbah ka Jylla u Dr Mukul Sangma u la kren hapoh ka iing dorbar haba wanrah ia ka mang tyngka na ka bynta jong u snem 2017-2018, nalor ka jingpynkiew ia ka khajana ia ka kyiad, ka don ruh ka jingpynkiew ia ka khajana jong ki kali.
Na ki khyndai tylli ki jaka kiba ka sorkar ka thmu ban pynkiew ia ka khajana, ha ka number kaba phra jong ka sla ba 56 jong ka na ka jingkren jongu myntri rangbah ka jylla ka ong “ ka don ka jingpynkiew ia ka khajana ha baroh ki liang kiba hap hapoh jong ka Meghalaya Passengers and Goods Tax Act.
Bun na ki nongpeit perman, kila pynsngew ba lada kane ka jingpynkiew dor ia ka khajana kaba dei ka bai kit bai bah ka jingkiew dor ha ka liang jong ki marbam mardihha kane ka jylla kala ap lypa hakhmat, namar ha man ki dong bad ki shnong ka kit ka bah ha kane ka jylla Meghalaya ka shaniah tylli tyllan ha ki kali ym da kiwei pat ki lynti.
Ka jingiatai halor ka jingkren jong u myntri rangbah ka jylla haba ia dei bad ka mang tyngka kan dang iaid mynta hapoh iing dorbar, ki ba bun ki buh ka jingkylli hato ki MLA kiba don ha liang synshar bad liang pyrshah kin ia mynjur ne em ia kane ka jingpynkiew dor ia ka khajana ha kaba ia dei bad bai shong kali bad bai kit.
