Yn leh katba donkam ban ai jingsumar ia kito kiba la mynsaw ha ka jingiatyngkhuh rel

New Delhi, Jylliew 03: U Myntri Rangbah Duh, u Narendra Modi u la leit sha Odisha bad u la leit peit ia ki kam pyllait im bad ki jingai jingiarap kiba dang long mynta hadien ka jingiatyngkhuh ki rel ha Balasore. U Myntri Rangbah Duh u la leit peit ia ka jaka ba la iatyngkhuh ki rel bad u la leit ruh sha ka hospital ha kaba kito kiba la mynsaw ki dang ioh jingsumar.

U Myntri Rangbah Duh u la ong ba ki briew na ki jylla bapher bapher ki ba don ha kine ki rel ki la shah ktah ha kane ka jingjia ba sngewsih. Ha ka jingkren shaphang ka jingduh ki mynsiem briew, u Myntri Rangbah Duh u la ong yn leh katba donkam ban ai jingsumar ia kito kiba la mynsaw. U la ong ruh ba ka Sorkar ka iadonlang bad ki longiing kiba la duh ia kibahaiing.

U Myntri Rangbah Duh u la ong ba u la bthah ban don ka jingwad bniah kaba sted halor kane ka jingjia ba sngewsih, bad ban leh da kaba tyngehia kito kiba la leh bakla. U la iarohia ka Sorkar Odisha, ki bor pyniaid bad ki briew, khamtam ki samla, kiba la iatrei baroh shi miet ban ai jingiarap ha ki kam kiba dang iaid mynta.

U la iaroh ruh ia ki briew na kane ka thain kiba la wan bran bran ban ai sngewbha ia ka snam khnang ba kito kiba la mynsaw kin ioh jingiarap. U la ong ba ka tnat Rel ka dang trei shitom ban pyllait im bad ai jingiarap, ha ryngkat ka jingpynthikna ia ka jingpyniasoh biang ia ki lynti rel.

Ha ka jingiakren bad ki bor pyniaid, ki briew na ki kynhun ai jingiarap bad ki ophisar ka tnat Rel, u Myntri Rangbah Duh u la ban jur halor ka jingtrei baroh kawei ka Sorkar ban ai jingiarap ha kane ka jingjia kaba sngewsih.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet