Yn mih khmat ka kong Anborlin Syiemlieh ia ka Meghalaya ha ka jingiakop “Mrs India 2018”

ShillonMrs India 2018g, Lber 17: Ka kong Anborlin Syiemlieh kala shah jied ban mih khmat ia ka jylla Meghalaya ha ka jingiakop “Mrs India 2018” ka ban long ha Nongbah Delhi ha ka 01th Iaiong 2018.

Haba kren ha ki nongthoh khubor mynta ka sngi ka long Anborlin, kala iathuh ba kane ka jingshah jied ka jong ka sha kane ka jingakop ka long ha dien ba kala wan ba ar ha ka jingiakop ia ka Mrs Glamorous Elite kaba dang shu dep shen hapoh Guwahati.

La iathuh ba kane ka jingiakop kan sdang mynta u bnai ha kaba ka hap ban leit sha Delhi na duhla 20 tarik mynta u bnai. Ki long kmie kiba shah jied na ka Ri India baroh kawei sha kane ka jingiakop thei bha briew ki long 40 ngut baroh.

Na ka liang jong ka kong Anborlin kala ong ba na ka liang jong ka kan ia leh katba lah ban wanrah ia ka jingjop ha kane ka jingiakop na ka bynta ban wanrah burom ia ka jylla. Ha ka juh ka por kala ong ba kane ka jingshah jied ka jong kan long ka jingpynshlur ia kiwei ba kin mih sha khmat ha  kum kine ki jingiakop.

Ka kong Anborlin, ka long kmie kaba la don ar ngut ki khun kaba trei ruh hapoh jong ka Chakma Autonomous District Council hapoh jong ka jylla Mizoram kala ong ba, kala shah jied ha ki jingiakop kaba long ha Dubai bad ha London hynrei na ka daw jong ka jingbym biang ki nongkyrshan kala duh noh ban leit sha kine ki jingiakop.

What Next?

Recent Articles

Leave a Reply

Submit Comment
*