Shillong Nailur 27: Ka jingialang iapylliew jingmut jong ki Nongrep ka ri India kaba la tip kum ka National Level Farmers Consultative Group (NLFCG) kan long ha Lucknow ha ka 30 tarik mynta u bnai. Na ka ka liang jong u President jong ka Hill Farmers Union (HFU) u bah Commander Shangpliang un mihkhmat na ka bynta ki nongrep jong ka jylla Meghalaya sha katei ka jingialang jong ki nongrep ka Ri India.
Ha kane ka jingialang yn iakren ia kiba bun ki mat kiba ki nongrep jong ka ri India ki iakynduh. Yn iatai ruh halor kaei ka jingangnud jong ki nongrep ka ri. Nalor kane yn iakren ruh halor kumno ban pynbeit ha ka liang ka iew ka hat na ka bynta ki mar rep. Ha katei ka jingialang yn iadon lang ruh u Secretary jong ka tnad ka rep ka riang jong ka sorkar India.
Na kane ka jingialang kan don ruh ka jingpyrkhat kumno ban shim ia ki lad ki lynti na ka bynta ban kyntiew ia ka rep ka riang ha ka ri India bad ban ai jingmut sha ka sorkar India. La sngewthuh ba na ka liang jong u President ka HFU u bah Commander Shangpliang un sa leit rah ia ki katto katne ki mat kiba ki nongrep ka jylla ki iakynduh jingeh.
