Yn nym lah ban ialeh ia ki kam bamsap khlem ka jingiasnoh kti lang ki paidbah:Dr Mukul

Dr MukulShillong, Nohprah 15: Ka National Convention kaba ar sngi kala sdang ha Shillong mynta ka sngi bad kane ka long ka jingiakynduh kaba nyngkong eh ha ka Ri India ban bishar paidbah ia ki jingtrei kam jong ka sorkar, ka ain Meghalaya Community Participation And Public Grievances Social Audit Act, 2017, ka dei ka ain kaba nyngkong eh ha ka Ri India ba ki paidbah ki don ka hok ban kylli bad wat jingtip ha kaba ia dei bad ki kam pynroi kaba ka sorkar ka leh ha ki shnong ki thaw. Ia kane ka jingialang kaba ar sngi la pynlong ha Yojana Bhavan Auditorium.

Haba kren kum u kongsan ha kane ka sngi u Myntri rangbah jong ka jylla u la ong ba “Yn nym lah ban ialeh pyrshah ia ki kam bamsap khlem da don ka jingiasnoh kti lang ki paidbah jong ka jylla, ka jingpyrshang ban wan rah ia kane ka jingbishar paidbah ia ki skhim trei kam jong ka sorkar kala sdang ha u snem 2007 bad kane ka dang long tang ia ka skhim MGNREGA, hynrei mynta katkum ka ain la wanrah ia baroh ki tanad sorkar hapoh kane ka jingbishar paidbah.

Haba ka sorkar ka pyntrei kam ia kino kino ki skhim pynroi ka long ban pynurlong ia ka jinganud bad ka jingkwah jong ki paidbah ban weng ia ka jingduh jingkyrduh ha baroh ki liang hapoh jong ka Ri hynrei kane kam shym la lah ban urlong bad ki paidbah ban pynrulong ia ka jingkwah jong u paidbah ka sorkar Meghalaya kala wan rah da ka ain ban weng ia kane ka jingeh da kaba shim ia ki paidbah ba kin ia don lang ha kaba shim jingkhien ia ki kam kiba ka sorkar ka leh.

U Dr Mukul ha ka jingkren ka jong u la ong ba ka jingeh kaba khraw tam ia ki nongmih khmat paidbah ka long ban pynbeit ia ka jingbakla kaba ki leh ha kaba ia dei bad ki kam sorkar, hynrei kane kala urlong ha kane ka jylla ha kaba la lah ban wanrah ia ka ain Meghalaya Community Participation And Public Grievances Social Audit Act, 2017, ha kaba ki paidbah ki don ia ka hok ban pan jingkhein.

Ha kane ka jingialang kaba mynta ka sngi u myntri rangbah u la ong ba ka RTI ka don, hynrei ka long ba bun na kiba pyndon kam ia ka RTI ka long tang ban pyndon kam bakla ia ka, hynrei ban wanrah ia ka jingshai kaba thikna ha ki paidbah ka long lyngba ka jingiashim bynta jong ki paidbah ha wad jingtip ia kaei kaba ka sorkar ka leh na ka bynta ka roi ka par jong ki paidbah ha ki shnong ki thaw bad da kane ka rukom yn nym lah ban buh rieh ha khmat jong ki paidbah.

Ha kaneka sngi u myntri rangbah u la pynlait paidbah ruh ia ka Meghalaya Community Participation & Public Services Social Audit Act, 2017, bad ia ka Draft Social Audit Manual and Draft Rules ha kane ka sngi. Kiwei kiba la kren ha kane sngi ki long u Bah Toki Blah Chairman, Meghalaya State Social Audit Council, u Nikhil Dey, nongseng ia ka Mazdoor Kisan Shakti Sangathan (MKSS) ka Co Convenor, National Peoples’ Right to Information, ka Aruna Roy, Founder Member, (MKSS) bad ka President, National Federation of Indian Women kiba la kren ha kane ka sngi lem bad kiwei kawei.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet