Yn nym weng kam ia ki master roll ha PWD, la khang ban thung thymmai: LD Suchiang

Shillong, Nailar 21: U Chief Engineer jong ka PWD ba dei peit ia ki surok u la ong ba yn nym weng kam ia ki master roll ha PWD, hynrei la khang ban thung thymmai pat kane ka dei ka rai kaba la shim ia mynta.

Haba kren ha ki lad pathai khubor u Bah Suchiang u la ong ba kan nym don ka jingweng kam ia ki master roll, hynrei kin shu pynkynriah na ka jaka kaba ki juh trei namar ia ki surok  bala shna lyngba ka PMGSY skhim ki kontraktor ki hap ban peit bad sumar ia ki naka bynta san snem.

Na ka liang jong u Chief Engineer ka tnad shna surok, u la ong ba ka don ka jingsngew kum ki briew lada weng na ka kam ka long kumba knieh noh ia u khiew jah kam dei kaba suk ban weng ia u ne ka briew ba la don ha ka kam lada dei ki master roll ruh.

Haba jubab ia ki jingkylli hato ka don shisha ne em ka jingshah weng kam kumba 40 ngut kiba trei master roll ha ki Division bapher bapher jong ka PWD, na ka liang jong u Chief Engineer u la ong ba kam shym don kata ka weng kam hynrei kan don tang ka jingpynkynriah ia ki jaka trei.

Na ka liang jong u CE ka PWD u la iathuh ba nangne sha khmat kan nym don shuh ka jingthung master roll hapoh jong ka PWD. Kine kiba don mynta kin dang iai beteng ia ka kam bad ha dien ba ki la shongthiat yn nym lah ban thung thymmai shuh.

What Next?

Recent Articles

Leave a Reply

Submit Comment

*