Yn Pyllong jinghikai ka MSSASA ha Mawkyrwat halor ka online D.El.Ed Training

Shillong, Naiwieng 08: Ka Synjuk ki nonghikai SSA ka Meghalaya SSA Schools Association (MSSASA) Mawkyrwat Block Unit South West Khasi Hills District kan pynlong ia ka jinghikai kaba kyrpang na ka bynta ki nonghikai kiba hikai ha ka kyrdan elementary kiba dang leh ia ka online DEl Ed course  lyngba ka NIOS ha ka 11 tarik mynta u bnai hapoh Nativity Hall Mawkyrwat ha ka por 10:30 baje mynstep.

Ha u kyrwoh ba la phah da u bah Artist V. Thongni General Secretary ka MSSASA – Mawkyrwat Unit u la ong ba ka synjuk ka shim ia kane ka sienjam hadien ba kiba bun ki nonghikai kiba hikai ha ka kyrdan elementary kata naduh class I haduh class VIII kiba kynthup naduh ki nonghikai SSA, Govt, Ad hoc , Deficit bad Private kiba hap hapoh u pud u sam ka Mawkyrwat bad Ranikor Block ki pynpaw ba ki shem jingeh kumno ban ioh ia ki jinghikai jong ka D.El.Ed lyngba ka Swayam Portal kaba dei katkum ka jingbthah jong ka NIOS bad ka tnat MHRD ka Sorkar India. Ha katei ka sngi yn don lang ruh u President ka MSSASA Sengkmie u bah Aristotle C. Rymbai.

Kumta ka synjuk ka khot ka wer ia baroh ki nonghikai khamtam ia ki nonghikai SSA kiba hap hapoh u pud u sam ka Mawkyrwat bad Ranikor Block South West Khasi Hills District  ban wan khnang khnang sha katei ka awareness program ban ioh ia ki jingbatai kiba bniah kumno ban ioh ia ki jinghikai jong ka D.El.Ed lyngba ka Swayam Portal bad kumjuh ruh kumno ban thoh ia ki assignment bad kiwei kiwei.

 

What Next?

Recent Articles

Leave a Reply

Submit Comment
*