Yn Pyllong jinghikai kyrpang ka MSSASA halor ka online D.El.Ed training

Shillong, Risaw 17: Ka Synjuk ki nonghikai SSA ka Meghalaya SSA Schools Association (MSSASA) East Khasi Hill District Unit kan pynlong ia ka jinghikai ba kyrpang na ka bynta ki nonghikai SSA ki ba dang leh ia ka DEl Ed course online lyngba ka NIOS ha ka 19 tarik mynta u bnai hapoh Khasi National Dorbar Hall Mawkhar Shillong ha ka por 10:00 baje mynstep.

Ha u kyrwoh ba la phah da u bah Starwell Lyngdoh Publicity ka MSSASA – East Khasi Hills District Unit u la ong ba ka synjuk ka shim ia kane ka sienjam hadien ba kiba bun ki nonghikai kiba hikai ha ka kyrdan elementary kata naduh class I haduh class VIII kiba kynthup naduh ki nonghikai SSA, Govt, Ad hoc , Deficit bad Private ki pynpaw ba ki shem jingeh kumno ban ioh ia ki jinghikai jong ka D.El.Ed lyngba ka Swayam Portal kaba dei katkum ka jingbthah jong ka NIOS.

Ki nongialam ka MSSASA Sengkmie naduh u bah Aristotle C. Rymbai President bad u bah H.M.Marbaniang kin iadonlang ha katei ka sngi.Kumta ka synjuk ka khot ka wer ia baroh ki nonghikai SSA kiba hap hapoh u pud u sam ka East Khasi Hills District kiba dang shu dep register  ia online D.El.Ed Course ha u bnai August bad September mynta u snem ban wan khnang khnang sha katei ka awareness program ban ioh ia ki jingbatai kiba bniah kumno ban ioh ia ki jinghikai jong ka D.El.Ed lyngba ka Swayam Portal.

What Next?

Recent Articles

Leave a Reply

Submit Comment
*