Shillong, Naiwieng 05: Ka Seiñ Kur Dkhar, Wapung Circle, lyngba u kyrwoh ba la phah da u President ka seng, U Shaniahskhem Dkhar, ka la pyntip paidbah ba kan sa pynkup burom ha ka taiew ba khatduh mynta, u bnai, November ia ki khun samla pule jong ka Kur Dkhar kiba la leh bha ha ki jingpule jong ki ha une u snem 2019 bad kum juh ruh ia ki Riewpawkhmat ba pher ba pher ka Kur Dkhar kiba dei ka burom bad ka jingsngew sarong ia ka Dkhar. Ia kane yn leh tang ia kito kiba hap hapoh ka jingkdup jong ka Seiñ Kur Dkhar, Wapung Circle,
Ha ka jingiadei bad kane, ka Seiñ Kur Dkhar, Wapung Circle, ka khot aplikeshon na ki samla pule jong ka Kur Dkhar kiba hap hapoh jong ka Sein Kur Dkhar, Wapung Circle, kiba la ioh (score) 70% shaneng ha ka Class-X bad Class-XII lane kano kano ka jait jingpule kaba ia ryngkat kyrdan bad katei, bad kumjuh ruh ia kiba la ioh (score) First Class ha ka Graduate bad Post Graduate lane ha kano kano ka jait jingpule kaba ia ryngkat kyrdan bad katei, ha ki eksamin bad resol ba dang shu dep pynbna shen mynta u snem 2019 na ki board bad university ba pher ba pher ba la ithuh da ka sorkar.
Ki samla pule jong ka Sein Kur Dkhar, Wapung Circle kiba kwah ban apply ia katei ka Jingpynkup Burom kidei ban thoh bad kdew shai bha ha ka kot sada ia la ka kyrteng, ka kyrteng kmie/kpa, ka shnong trai, ka kyrdan pule, ka skul, ka jait eksamin, ka board/university, ka percentage, ka division,position,Grade, ka snem pass lem bad ka Mobile Number bad suh lang ruh ia ka Marksheet, ka Certificate bad Residential Certificate bad ban pynpoi ia ki aplikeshon jong ki sha ka seng hapoh ka 20 tarik mynta u bnai naduh ba la pynmih ia kane ka jingpynbna. Ia ki aplikeshon ba wan dier por yn ym pdiang shuh da lei lei ruh em.
Ha ka juh ka por, ha ryngkat katei ka jingpynkup burom ia ki samla pule jong ka Kur Dkhar, ka Sein Kur Dkhar, Wapung Circle, kan pynkup burom ruh ia ki Riewpawkhmat jong ka Kur Dkhar, kiba hap hapoh jong ka Seiñ Kur Dkhar, Wapung Circle, ki ba la pawkhmat ha ki bynta bapher bapher jong ka jingim bad ka kam jong ki la ha ka ki kyrdan pule, ne ha kino kino ki kam ne ka bynta ha ka jingim jong ki kaba pyni shai kdar ia ka jinglong kyrpang bad ba ha khmat jong ki kaba dei ka burom bad jingsngew sarong ia ka Kur Dkhar lyngba ka jingdon jong kiba kum kitei ki Riewpawkhmat hapoh jong ka Kur Dkar. Na ka bynta ki jingtip ba kham bniah halor kane, la ban phone ha kine ki Mobile Nos: 9615400135, 6009440830, 7630858598.
