Shillong, Jymmang 26: Ka tnad Shangsuwari bad ka Ri Bhoi Water Sport bad Cooperative Society kin pynlong ia ka “ Megha Kayak Festival 2022’ kaba saw sngi ka ban sdang ha ka 13 haduh 16 Naiwieng 2022 ka ban long ha shnong Umtham ha Ri Bhoi District.
Kane ka tamasa kan long kaba heh duh hapoh kane ka dewbah jong ka Ri India bad kim don haduh 80 ngut ki nongwan ia shim bynta na kylleng ka pyrthei kiba bun ki long na India bad Nepal, ka khusnam ia ki nongjop kan long T.15 lak tyngka.
Kane ka jingiakop kieng lieng ha Wah kan don ia ka jingiakop kaba la pdiang hapoh ka jingialehkai Olympic, kum ka Giant Slalom, Extreme Boater, ha kane ka jingiakop kan don ruh la ka jong ka jong ki jingiakieng lieng.
U Manih Taneja ba dei Race Director haba kren ha ki lat pathai khubor mynta ka sngi la ong ba ka jingpynlong ia kane ka tamasa ka long ban kyntiew ia kane ka jylla Meghalaya kum kawei na ki jaka ban ia lehkai ha ki wah bad kila jied ia u Naiweng namar dei kapor ba biang bha.
Kiban pyniaid ia kane ka jingiakop kin long ka Goodwave Adventure na Bangalore bad kane ka kynhun kala pynlong hynriew tylli kum kine ki jingialehkai bad kyrmen ba ki paidbah kane ka jylla kin ai ka jingkyrshan ia kane ka jingialehkai bad ia kane ka jingialehkai la kyrshan da ka sorkar Meghalaya.
