LUCKNOW, OCT 5 (UNI):- Prime Minister Narendra Modi addressing at Azadi@75 New Urban India: Transforming Urban Landscape Conference-cum-Expo in Lucknow on Tuesday. UNI PHOTO-1U
New Delhi, Iaiong 09: Hapoh ka jingialam jong u Myntri Rangbah Duh, u Narendra Modi bad ruh ban wanrah ia ka jingkhyllie biang ia ka jingpeit bniah ia ka jingroi ki kam cooperative bad ka jingurlong jong ka thong na ka Cooperation sha ka Jingriewspah, la sdang ia ka tnat Cooperation ha ka 6 tarik u Naitung 2021.
Hapoh ka jingialam jong u Myntri kam poh iing bad Cooperation, u Amit Shah, ka tnat Cooperation ka la trei shitom na ka bynta ka jingkiew jong ki kam cooperative bad ka jingsaindur ia ki skhim ba thymmai ha ryngkat ka Cooperation Policy ba thymmai.
Ka jingpynkylla digital ia ki PACS, ka jingsdang ia ka National Database jong ki Cooperative Society, ka skhim na ka bynta ka Cooperative Education & Training bad ka skhim kaba tip kum ka ‘Sahkar Se Samriddhi’ ki dei katto katne ki sienjam ba la shim da kane ka tnat ban pynkhlain ia ki kam cooperative ha ka ri.
Ka tnat Cooperation ka dang saindur ruh ia ka National Cooperation Policy kaba thymmai kaba lah ban pynbeit ia ki jinglong jingman kiba iadei bad ka ioh ka kot bad ka imlang sahlang. Ha kane ka bynta, yn pynlong ia ka National Conference kaba ar sngi halor kane ka Cooperation Policy ha New Delhi ha ka 12-13 Iaiong, 2022.
Ia kane ka conference yn plié da u Myntri ka tnat kam poh iing & Cooperation, u Amit Shah. U Myntri Khynnah ka tnat Cooperation, u B. L. Varma ruh uniadon lang ha katei ka sngi. Palat arphewsaw tylli ki tnat Sorkar Pdeng na kaba yn mihkhmat da ki Secretary bad ki Joint Secretary, baroh ki Sorkar jylla bad ki Union Territory.
Ki ban mihkhmat da ki Chief Secretary, Additional Chief Secretary, Principal Secretary bad ki Registrar Cooperative ha ryngkat ki khliehduh jong 40 tylli ki kynhun Cooperative bad kiwei kiwei ki kynhun kiba treikam ha kylleng ka ri kin iashim bynta ha kane ka conference.
Ia kane ka conference yn pyniaid ha kata ka rukom ha kaba yn don hynriew tylli ki phang kiba peit lut ia ki kam kiba iadei bad ki cooperative, bad kiba peit ruh ia baroh ki bynta jong ka rukom treikam jong ki bad ka jingpyniaid jong ki:
Ki ain kiba don mynta, ka jingithuh ia ki kyndon, ki pur halor ki jingtreikam bad ki sienjam kiba donkam ban weng ia kine, kaban ialam sha ka jingsuk shuh shuh ban treikam bad kaba plié lad ia baroh ki cooperative bad kiwei kiwei ki kynhun kiba iadei bad ka ioh ka kot.
Ki jingpynkylla na ka bynta ka jingpynkhlain ia ka rukom pyniaid kiba kynthup ia ki nongrim jong ki cooperative, ka jingjied ia ki dkhot, ka jingkyntiew ia ka jingiashim bynta ki dkhot, ka jingshai, ka jingjied dkhot kaba man ka por, ka HR Policy, ka jingpdiang ia ki rukom treikam kiba biang tam ha ka ri bad nabar ri, ki jingkheinjingdiah bad ka audit.
Ka jingpynkhlain ia ki jingdon jingem jong ki cooperative, ka jingpynkhlain ia ka equity base, ka jingplie lad ban ioh ia ka pisa, ka jingpyniar ia ki kam, ka jingkyntiew ia ka jingseng kam lajong, ka jingkyntiew ia ka nam, ka jingpyniaid iew, ka jingsaindur ia ka rukom leh business, ka jingsaindur thymmai, ka jingpdiang ia ka teknoloji bad ka jingshalan mar shabar ri.
Ka jingai jingpyntbit, ka jinghikai, ka jingiasam ia ki jingshem bad ka jingkyntiew ia ka jingtip kaba kynthup ia ka jingpynpawnam ia ki cooperative, ka jingpyniasoh ia ka jingai jinghikai bad ka jingseng kam lajong, ka jingpdiang ia ki longkmie, ki samla bad kito kiba don ha ka jingeh.
Ka jingkyntiew ia ki cooperative ba thymmai, ka jingpynkhie im ia kito kiba la jan jah, ka jingkyntiew ia ka jingiatreilang ki cooperative, ka jingpynbun ia ki dkhot, ka jingkyntiew ia ki cooperative a ka bynta ka roi ka par kaba lah ban iaineh, ka jingpynbeit ia ki jingeh ha ki thain bapher bapher bad ka jingpeit ia ki lad kiba thymmai.
Ka jingkyntiew ia ki cooperative ha ka imlang sahlang bad ka bynta jong ki cooperative ha ka jingryntih jong ka imlang sahlang. Hapoh ka jingialam jong u Myntri ka tnat kam pohiing& Cooperation, u Amit Shah ka tnat kan sa pynlong katto katne kine ki conference bad ki briew kiba don bynta ha kane ka kam bad kane kan dei kaba nyngkong na kine ki conference.
La ai jingmut ban pynlong shensa ia kawei ka workshop bad ki Cooperative Federation ban twad jingmut na ki. Kine ki sienjam kin wanrah ia ka jingsaindur ia ka National Cooperation Policy thymmai kaba khlain, kaba peit bniah ia ka jingpynkhlain ia ka rukom treikam cooperative ha ka ioh ka kot jong ka ri bad ka jingurlong jong ka jingthmu ‘Sahkar Se Samaridhi’ jong u Myntri Rangbah Duh, u Narendra Modi.
