Yn pynlong ka DoT NE LSA ia ka jingialang lyngba ki lad online halor ka PM-WANI

Shillong, Jylliew 04: Ka tnat Telecommunications (DoT), North East LSA kan pynlong ia ka jingialang ba lai lyngba ki lad online halor ka Prime Minister’s Wi-Fi Access Network Interface (PM-WANI) ha ka 28 tarik u Jylliew, 2022. Ka thong jong kane ka dei ban kyntiew jingtip halor kane ka kam hapdeng kito kiba donkti bad kiba don lad ban shim bynta ha kane ka kam.

Ka PM-WANI jong ka DoT ka dei ka sienjam ba la ioh jingmynjur jong ka kynhun Myntri ka Sorkar Pdeng ba ialam da u Myntri Rangbah Duh, u Narendra Modi ban pyniar ia ka broadband lyngba ki Wi-Fi network jong ki paidbah.

Ki kyndon treikam jong kane ka skhim ki plie lad ia ka jingpynsuk ban trei ia ki kam khaii bad ka pynshlur ia ki dukan shnong bad kiwei kiwei bad kin long ki nongpynbiang ia ki Wi-Fi Hotspot – ki Public Data Office (PDO).

Ki dukan shnong bad kiwei kiwei ki lah ban ioh jingkamai haba ki treikam kum ki PDO ha kaba ki die ia ka internet khlem da donkam ka license, ka jingkyntiew kyrteng lane ka jingsiew sha ka DoT.

Ki PDO, PDO Aggregator, riew shimet kiba la trei lypa kumne bad kito kiba kwah ban rung ha kane ka kam ki lah ban ai jingtip shaphang kane ka jingkwah jong ki ban iashim bynta ha kane ka jingialang online ha ryngkat ki jingai jingmut jong ki ha ka ranjeet.kumar29@gov.in ha kaba iadei bad kane. Ia ka link ban iashim bynta ha kane ka jingialang yn sa phah sha kito kiba kwah iashim bynta ha ka por kaba biang.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet