New Delhi, Jymmang 08: Ka Ministry of Information and Broadcasting, sorkar India, kan pynlong ia ka 15th Asia Media Summit (AMS) 2018 ha ka jingiatreilang bad ka Indian Institute of Mass Communication (IIMC), New Delhi bad kaBroadcast Engineering Consultants India Limited (BECIL), naduh 10-12 tarik Jymmang, 2018 ha New Delhi. Ka Minister for Information & Broadcasting and Textiles jong ka sorkar pdeng, ka Smriti Zubin Irani kan pyniaid ia ka jingialang kum ka kongsan ha ka jingialang plie jong ka Summit ha ka 10 tarik Jymmang.
Ka AMS 2018, ka jingialang kaba shisien shisnem jong ka Asia-Pacific Institute for Broadcasting Development (AIBD) Kuala Lumpur, kadei ka jingialang kaba kongsah ha ka thain Asia Pacific bad ka India ka la ioh ban pynlong ia kane ka jingialang ha ka sien ba nyngkong. Ia kane ka jingialang kaba don ia ka phang pdeng, `Telling Our Stories – Asia and More’, yn pynlong ha ki ar bynta Pre-summit workshop (8 -9 tarik) bad ka Summit (10-12 tarik).
Ki nongiashim bynta kin mihkhmat ia ki kynhun kum ki Ministry ba dei peit ia ka Information and Broadcasting ha ka thain Asia, ki kynhun nabar ri UNESCO, FAO, UN; ki Regulator; ki kompani Radio bad Television jong ka sorkar bad ki riew shimet, ki Television channel bad ki network, ki Institutes/Academy jong ka Communication, Media Research; Community Radio groups; ki lad pathai khubor bad ki nongpynmih ia ki tiar ba iadei ha ki kam pyni prokram TV ne Radio.
Kane ka Summit kan pynshlur ia ka thain bad ki jingiakren hapdeng arliang mamla bad ka jingiatreilang ban weng ia ki jingeh ha ka broadcasting sector ha ka thain. Kane ka Summit ai ka kabu kaba kham pher sha ki nongpynmih prokram TV bad radio (broadcasters) ha ka thain Asia ba kin iakren halor ki jingdonkam kiba mih ha ka kam jong ki ba iadei ha ka software bad hardware. Kan plie lad ruh ia kine ba kin pyndonkam ia ka networking, khnang ba kin ioh iakren shaphang khaii pateng pateng bad kane ka lah ban wanrah ia ka jingiadei hapdeng jong ki ha ka liang ka khaii pateng hadien ba ladep ka Summit.
Ki heh ki hain kiba iashim bynta ha kane ka Summit ki kynthup ia u Minister of Information na Bangladesh, H.E. Mr. Hasanu
Shuh shuh, ka jingia him bynta ha ka summit ka kynthup palat 200 fngut ki dkhot nabar rib a mihkhmat ia 39 tylli ki ri jong ka SAARC (Afghanistan, Bangladesh, Bhutan, India, Maldives, Nepal, Pakistan, Sri Lanka); ASEAN (Cambodia, Indonesia, Laos, Malaysia, Myanmar, Philippines, Singapore, Thailand, Vietnam) East Asia (Korea, Hong Kong, Japan); Africa (Mauritius, Nigeria, Seychelles, South Africa, Sudan, Tunisia); Oceania (Australia, Fiji, New Zealand, Fiji, Papua New Guinea) Europe (France, Germany, Netherlands, Sweden, United Kingdom) Syria, Uzbekistan, USA, China. Kin don ruh palat 100 ngut ki dkhot na ka ri India.
Ka phang ia kren ha kane ka summit kan kynthup Plenary Sessions halor ka ‘Media regulation policies: Ethics, rules and laws and Our Exciting Stories.’ Ia ka Parallel Sessions yn pynlong kaba iadei bad ka Asia halor ki phang; ‘Should all good stories be commercially successful?; New technologies in the Broadcasting and Film Industry to Enhance Story-Telling; Media business models in the new era; Telling compelling stories: Challenges and Opportunities – Radio and Community Radio; Sustainable development Stories – Special Focus; CEO Roundtable Story-telling bad ka success of media.
Ha ka session kaba kut, yn sam ia ka World Television Awards 2018 da u Minister of State for Information & Broadcasting, Youth Affairs & Sports, Col. Rajyavardhan Rathore bad ka jingialang pynhap pyrda kan sakhi ia ka jingaiti ia ka baton ban pynlong pat ia ka AMS ban wan ha Philippines.
