Yn pynlut T. 50 klur ban thung Tit ha ki san snem hapoh ka ‘Mushroom Mission’:Banteidor

Shillong, Naiwieng 05: Ka tnad rep jong ka sorkar jylla mynta ka sngi kala pynlong ia ka “Tamasa thung Tit” kaba nyngkong ha ka jylla ia kaba la plied a u mytnri ba dei peit iaki kam rep u bah Banteidor Lyngdoh.

Haka  jingkren jong u bah Banteidor, u la ong ba ka sorkar jylla kan sdang noh ia ka “Mushroom Mission”  bad ka jingthmu jong kane ka long ban pynshlur iaki briew na ka bynta ban pynkhlain ha ka kam thung Tit na ka bynta ban kyntiew iaka ioh ka kot ha ka jylla khamtam eh na ka bynta ki nongrep.

Ia mynta ka jylla ka pynmiht ang 27 metrik tone u Tut bad da ka pyntrei kam ia kane ka “Mushroom Mission” la khmih lynti ba ha kine ki san snem ka jylla kan pynmih 5000 metrik tone u Tit. Na ka liang jong u myntri u la kyntu ia ki nongrep ba kin long kiba la kloi ban ia shim bynta lada ka don kano kano ka jinghikai ha kaba ia dei bad ka kam thung Tit.

Ha ka jingkren jong u  Additional Chief Secretary bad u ba dei peit ia ka kam pynmih Tit u K N Kumar u la ong ba kane ka jingpynmih Tit ha duh mynta ka dang long tang kumba 15% bad kata ka long tang ha ki jaka ba pnia bha. Ka jingpynlong ia kane ka tamasa ka long ban pynshlur ia ki briew ba kin shim ia kane ka kam rep Tit. Ha kane ka sngi la pynlait paidbah ruh ia ka jingthoh ha kaba ia dei bad kane ka kam rep Tit.

Ki tit kiba yn pynshlur ban thung kin long u, Oyster, Button bad Shiitake bad ka jinglut na ka bynta kane ka kam kan long T.50 klur na ka bynta kine ki san snem lynter kiban wan. Ia kane ka jingthung Tit kan long tang ha ki 136 tylli ki shnong, kiwei kiba la kren ki long ka MN Nampui secretary ka tnad Rep.

What Next?

Recent Articles

Leave a Reply

Submit Comment

*