Shillong Jylliew 14: Ka State Bank jong ka Ri India, kaba deipeit ia ka West KhasiHills kaba don ha Ladweitang, West Khasi Hills District Nongstoin, kala pyntip paidbah ba ka Reserve Bank of India’s Banking Ombudsman kan pynlong ia ka jingpynshai paidbah halor ka phang “ Banking Ombudsman Scheme 2006” ha ka sngi Saitjain mynta u bnai ha Nongstoin.
Ia kane ka jinypnshai paidbah yn pynlong ha SGSY Hall, ha ka ophis jong u BDO jong ka Nongstoin ha ka por 12 baje shiteng sngi. Ka jingpynlong ia kane ka jingialang paidbah ka long ban batai ia ka jingdon ha kaba ia dei bad ki jingeh kaba ki paidbah ki ia kynduh bad kiei ki lad ki lynti ban iarap ban pynbeit iaki jingeh lyngba ka Banking Ombudsman Scheme.
La kyntu ia baroh ki nongkynshew pisa hapoh jong kane ka Bank ba kin ia poi sha kane ka jingialang ban ioh ia ki jingshai ha kaba ki briew jong ka RBI kin wan ban pynshai sha ki paidbah.
