Yn tei ka sorkar pdeng ia ka Hotel ki kynthei ia ki samla ka NE ha Bangalore:Dr Jitendra

Dr Jitendra in Delhi.Shillong, Nailur 09: U myntri khynnah ka sorkar pdeng u Dr Jitendra Singh u ba dei peit ia ka DoNER  mynta ka sngi u la plie paidbah a ka tamasa ia kaba la tip kum ka  “North East Calling” festival, kaba ar sngi ha nongbah Delhi, ha kane ka juh ka sngi u myntri ka sorkar pdeng u la pynlait paidbah ruh ia ka ‘North East Venture Fund’,.

Ka jingthmu jong

kane ka NEVF ka long ban khring ia ki briew sha kane ka dong bad ka thain sha tei lam mih ngi jong ka Ri India ha ki kam jngoh kai pyrthei da ka jingbei pisa lyngba jong ka  DoNER bad ka North Eastern Development Finance Corporation Ltd.

Ha ka jingkren jong u myntri khynnah ka sorkar pdeng u Dr Jitendra u la ong ba ka dong shatei lam mih ngi jong ka Ri India ka don ia ka spah mariang kaba kyrkhai khamtam eh ha ka liang jong ki riti ki dustur bad ka shad tynra jong ki paidbah ka dong shatei lam mih ngi jong ka Ri India. U kyntu ia ki paidbah ba kin wan ban jngoh ia kane ka dong bad ka thain. U myntri rangbah duh jong ka Ri U Narendra Modi u don ia ka thong ban kyntiew ia ka NE.

Haba ia dei bad ki kam pynroi ha kane ka thain ka sorkar pdeng kala leh shibun ki kam, la ong ba ka sorkar kan sa shna noh shen ia ka Barak Hostel ha Jawaharlal Nehru University (JNU) na ka bynta ki samla ka dong shatei lam mih ngi jong ka Ri India bad kum juh ia ka Hostel tang na ka bynta ki kynthei jong ka dong shatei lam mih ngi jong ka Ri India hapoh Bangalore University bad ia ka North Eastern Cultural and Information Centre kin sa buh noh shen ha Nongbah Delhi.

What Next?

Recent Articles

Leave a Reply

Submit Comment
*