Shillong, Lber 16: U Bah Vincent H Pala mynta ka kynti yn wan sha ki paidbah ban pan ia ka jingkyrshan kum u kyrtong ka seng Congress ha kane ka MP Ilekshon sha Lok Sabha ha ka sien kaba lai ha kane ka kynti kaba mynta.
Katkum ki thymmei khubor kiba ia jan bad ka seng Congress kila pynsngew ba u Bah Pala yn thep ia ka nomination jong u ban ia khun biang ia kane ka MP ilekshon na ka 1-Shillong Parliamentary Seat na ka seng Congress ha ka 22 tarik kaba hap ha ka sngi thohdieng.
Kumba ka long mynta ki kyrtong kiban ia khun na kane ka Shillong Parliamentary seat, kin don san ngut ki kyrtong, nalor ka Congress, ka UDP, BJP, KHNAM bad kum juh ki dkhot shimet.