New Delhi, Jymmang 23: U Hardeep S. Puri, Myntri ba dei khmih ia ki tnat Housing and Urban Affairs bad Petroleum and Natural Gas u la batai ia ki dkhot jong ka consultative committee jong ka tnat Housing and Urban Affairs shaphang ka jingiaid shaphrang jong ka Smart Cities Mission.
U la ong ruh ba ka jingpyntreikam ia ka Mission ha ki nongbah ka dei kaba peit da ka Special Purpose Vehicle (SPV), kaba don ka bynta kaba kyrpang ha ka jingpeit ia ki projek khnang ban pyndonkam lut ki lad ha kane ka mission kaba prat lynti thymmai. U Myntri u la ong ba ka lawei jong ki jaka sor ka India ka ioh jingmut bha na ki jingsaindur thymmai ha kine ki 100 tylli ki smart city.
Ka Smart Cities Mission ba la sdang ha ka 25 tarik u Jylliew, 2015 ka thmu ban pynbiang ia ki jingdon jingem, ka mariang kaba khuid bad kaba lah ban iaineh bad ka rukom im kaba biang ia ki briew lyngba ka jingpyndonkam ia ki ‘smart solution’.
Ki 100 tylli ki nongbah ba shah jied ha ka jingiakhun kaba ar bynta ki dei ki ban shah kyntiew kum ki Smart City bad kine mynta ki la iaidshaphrang ha kane ka kam.
Ka Smart Cities Mission, kaba peit da ka Apex Committee ba long khlieh duh da u Secretary ka tnat Housing and Urban Affairs, ka ai man ka por ia ka kaiphod jong ka jingpyntreikam ia ki projek lyngba ka Real Time Geographical Management Information System (GMIS).
Katkum ka SCM Statement bad ki Guideline, la seng ia ka Smart City Advisory Forum (SCAF) ha ki nongbah ban ai jingmut bad plie lad ia ka jingiatreilang jong kito kiba don bynta ha kane ka kam.
Ka kynthup ia ki Member of Parliament, ki dkhot ka Legislative Assembly, Mayor, District Collector, ki samla, kito kiba la pyntbit ha ki kam teknoloji bad kiwei kiwei kiba don bynta ha kane ka kam. Baroh 100 tylli ki Smart City ki la seng ia ki SCAF. Haduh mynta ki Smart City ki la pynlong palat 756 tylli ki jingialang jong ki SCAF.
Shuh shuh, ha ki jylla, la seng ia ki High Powered Steering Committee (HPSC) ba longkhlieh duh da u Chief Secretary. Ha ryngkat kane, kiNominee Director ka tnat Housing and Urban Affairs kiba don ha ki Board jong ki Special Purpose Vehicle (SPV) ki peit man ka por ia ka jingiaid shaphrang jong ki kam ha ki nongbah.
Shuh shuh, ka tnat ka iakren man ka por bad ki Jylla / Smart City lyngba ki video conference, ki jingialang, ki jingleitjngoh ia ki jaka treikam, ki regional workshop bad kiwei kiwei ban peit ia ka rukom treikam jong ki nongbah bad ban ialam lynti ia ki ban pynbha shuh shuh ia ki kam.
Shuh shuh, ka Committee ka la leitjngoh ia ki jaka bapher bapher ba pyntrei ia ka projek kynthup ka‘Mandovi Riverfront Promenade’, ‘Flood Mitigation Works’, bad Integrated Command and Control Centre ha Goa bad peit bniah ia ka jinglong jingman mynta bad ka jingiaid shaphrang ka kam haduh ka 1 tarik Jymmang, 2023.
Ka Mission ka don kumba 7,800 tylli ki projek ba shongdor T. 1.8 lak klur ha kaba kaba 5,700+ ki projek (73%) ka shongdor T. 1.1 lak klur (60% ka dor) kidei kiba la pyndep. La khmih lynti ba ki projek ba dang sah baroh yn pyndep hashuwa ka 30 tarik Jylliew, 2024. Kumjuh ruh, la bataiha ka jingialang ba la pyllait T. 38,400 klur hapoh ka Smart Cities Mission haduh ka 1 tarik Jymmang, 2023, ha kaba T.35,261 klur ladep pyndonkam.
Ia ka jingialang la pyniaid da u Hardeep S. Puri, Myntri ba dei khmih ia ki Tnat Housing and Urban Affairs and Petroleum & Natural Gas. U Kaushal Kishore, Myntri Khynnah, MoHUA; ki dkhot jong ka Parliament na kylleng ki Jylla, u MVV Satyanarayana, u AKP Chinraj, Ramesh Bidhuri, Sanjay Kaka Patil, Abir Ranjan Biswas, ka Kalpana Saini, ka Vandana Chauhan.
Ki heh ophisar na ka Tnat Housing bad Urban Affairs, Sorkar India ki la iashim bynta ha ka jingialang jong ka Parliamentary Consultative Committeehynnin janmiet. Ka ShaliniAgarwal, Commissioner, Surat; uDivyank Singh, CEO, Indore Smart City; u M. Prathap, CEO, Coimbatore Smart City; uAnkitKhandelwal, CEO Agra Smart City, ruh ki la ai ki jingpynshai halor ki rukom treikam kiba biang ba la pdiang ha ki nongbah jong ki.
U Myntri khynnah, u Kaushal Kishore u la iaroh ia ka sienjam jong ka Mission ha ka jingsdangia ki Integrated Command and Control Centre (ICCC) ha baroh 100 tylli ki smart city. “Ki ICCC ki wanrah jingtip da ka jingpyndonkam ia ki teknoloji bad ki pyni ia ki ophisar kiba peit ia kane ka kam ba kin lah ban peit ia ka kam kaba man ka sngi, ki jingeh lane ki kam kiba mih syndet lyngba ki SOP kiba bniah,” u la ong.
U la bynrap ba ki ICCC ki la long ki jaka pdeng jong kine ki smart city bad long ruh ka dak kaba biang ban pyndonkam ia ka teknoloji ban pynkhlain ia ki kam pynroi sor.
Shuh shuh, ka KalpanaSaini ka la ban halor ka jingdonkam ban kyntiew shuh shuh ia ka Smart Cities Mission; ha kaba ka VandanaChauhan ka la iaroh ia ki ICCC bad ka jingtreikam jong ki ha ka por jong ka khlam COVID-19 bad kiwei kiwei ki jingeh na ka bynta ka jingiada ia kikhlam; u AKP Chinraj u la ban halor ka jingdonkam ban wanrah ka jingtbit ha ki bynta ba kongsan kum ka leit ka wan.
Ka jingpeit ia ka jingioh um bad ka rukom bretniutbad kiwei kiwei ha kine ki nongbah; u Ramesh Bidhuri u la iaroh ia ka jingpyntreikam ia ki sienjam smart city da kaba wanrah ia ki rukom treikam kum ka Ease of Living Index bad ka Climate Smart Cities. Shuh shuh, ban kyntiew ia ki kam, u la pynpaw ka jingdonkam ban ai jingtip paidbah.
Ka jingpyntreikam ia ka Smart Cities Mission, kadei ka jingsdang jong ka por ba thymmai ha ka kam pynroi sor kum ka sienjam sha ka jingpynkylla ia kane ka kam, ka jingpynshlur ka jingkyntiew ia ki jinglong ka ioh ka kot, ka jingai jingshakri Sorkar katkum ka juk mynta, ka mariang kaba khuid bad kaba iaineh.
Ki jaka paidbah ba iphuhiphieng, ka jingioh ia ki lad digital, ki lad jingsumar bad ka jingkhuidjingsuba, kaba kyntiew ia ki nongbah. Ka Tnat Housing and Urban Affairs,, Sorkar India ka kut jingmut ban kyntiew ia ka ease of living index ha ka jingai jingshakri ia ki nongshong shnong.
