Shillong, Kyllalyngkot 29: Ki kyrtong kiba ban iakhun ia kane ka election MDC 2025 sha ka iing dorbar jong ka Khasi Hills Autonomous District Council bad kumjuh ruh sha ka Jaintia Hills Autonomous District Council kiba la wan ban thep kyrteng ia lade mynta ka sngi ki long haduh 34 ngut.
Katkum ka jingkhein ba la ioh lum ki kyrtong kiba dei hapoh ka Khasi Hills Autonomous District Council baroh kiba la wan ban thep kyrteng mynta ka sngi ka 29 tarik u Kyllalyngkot ki don haduh 28 ngut ba kynthup lang ia baroh ki party.
Katba ki kyrtong kiba dei napoh ka Jaintia Hills Autonomous District Council kiba la wan ban thep kyrteng ia lade ki don tang kumba 6 ngut.
Ki kyrtong jong ka Khun Hynniewtrep National Awakening Movement (KHNAM) kiba la wan thep kyrteng ha Inter-State Bus Terminal (ISBT) ki kynthup ia u Working President u Bah Thomas Passah u kyrtong na Jiaw Constituency, u Bah Pynshai Mawrie na Mawkynrew, u Bah Raymond Basaiawmoit u kyrtong ka KHNAM na Mawkhar pynthorumkhrah Constituency bad u Bah Ericton Donbok Swer u kyrtong na Nongthymmai Constituency.
Ki kyrtong shimet kiban iakhun sha ka election MDC jong ka KHADC ki kynthup ia a Bah Mawkordor Rynjah ban iakhun na Mawphlang Constituency kum u Independent bad ka Kong Sony Kharjana kum ka kyrtong shimet na Sohiong bad u Bah Stodingstar Thabah u kyrtong ka HSPDP na Sohiong.
Ki kyrtong jong ka Congress ki kynthup ia u Bah Pynshangain N Syiem u kyrtong na Mawkhar – Pynthorumkhrah Constituency bad u Bah Jonathan Syiem u kyrtong na Sohryngkham.
Ki kyrtong jong ka Voice of the People Party kiba iakhun iaka election sha ka iing dorbar jong ka KHADC kiba la leit thep kyrteng sha Inter-State Bus Terminal (ISBT) ki kynthup ia ka kong Aibandaplin Lyngdoh Nonglait ka kyrtong na VPP Mylliem constituency, u Bah Eddieson Kharumnuid jong ka VPP na Mawlai constituency, u Bah Winston Tony Lyngdoh u kyrtong ka VPP na Nongthymmai.
u Bah Seiborlang Warbah u kyrtong VPP na Mawkynrew constituency, u Bah Danny Langstieh u kyrtong ka VPP na Laban Mawprem constituency, u Bah Kitbor Syiem u kyrtong VPP na Nongkrem constituency, u Bah Denzil Chen jong ka VPP na Jaiaw constituency, u Bah Lancaster Marbaniang u kyrtong ka VPP na Mawphlang constituency bad u Bah Strongpillar Kharjana u kyrtong ka VPP na Mawkhar-Pynthorumkhrah constituency.
Na West Khasi Hills District ki kyrtong kiba la wan ban thep kyrteng mynta ka sngi ki don tang ar ngut ba kynthup ia u Bah Sranly Rongrin na ka United Democratic Party bad u Bah Kongdang Rashir na ka Congress bad kine baroh ar ngut ki dei ki kyrtong na Mawshynrut Constituency.
Na South West Khasi Hills District don tang u wei, ba kynthup ia u Bah Overlin Imiong u kyrtong ka VPP na Ranikor Constituency, katba ha Pynursla Civil Sub Division ki don ar ngut ki kyrtong ka VPP kata u Bah Shemphang Rynjah na Langkyrdem – Laitkroh bad u Bah Manbhalang Thabah u kyrtong ka VPP na Nongshken Constituency.
Na Ri Bhoi District ki don 5 ngut ki kyrtong kiba dei na ka party VPP bad kine ki kynthup i ia u Bah Mathew Kenneth Makdoh na Nongpoh Konstituensi, u Bah Isynei Hinge na Umroi Konstituensi, Bah Banrikus Nongsteng na Umsning Konstituensi, u Bah Kynjohlang Nongsteng na Mawhati Konstituensi bad u Bah Apkyrmen Lyngdoh na Jirang Konstituensi.
Katba ha ka election jong ka Jaintia Hills Autonomous District Council ki don 6 ngut ki kyrtong kiba kynthup na ka NPP 3 ngut kata u Bah Rudaioo Tang (NPP) na 11-Shilliang Myntang, u Bah Reformson Lamare (NPP) na 7-Nartiang Wahiajer bad u Bah Jesse Suiam (NPP) na 6-Moodymmai Nongkhroh.
Na ka Congress (INC) ki long u Bah Rikut Parien u ban ïakhun na ka 13-Saphai Sahsniang.
Na ka VPP ka kong Laiawanlam Jinghun Khynriam na 9-Mynsoo Nangjngi bad u Kyrtong shimet (IND) u Bah Wendolin Chullai na Mukhla Ummulong.