Mynjur ka KHADC ban pyntrei kam noh ia ka KHBSRA ban ai jingbit shna iing

LookShillong, Nailur 08: Ka Executive Committee jong ka Khasi Hills Autonomous District Council (KHADC) ka la mynjur ban pyntreikam noh ia ka Khasi Hills Building bad Structure Regulating Authority (KHBSRA) ban don ia la ka jong ka bor ban ai jingbit shna iing bad kiwei hapoh u pud u sam jong ka KHADC. E

Ka EC ha ka jingialang mynta ka sngi kala ai ia ka jingmynjur haba ia deo bad ka jingai jingbit ban shana iing ka KHADC ia kane ka la long ha ka jingialang nalor bun tylli ki mat ba kynthup ia ka jingpyntreikam ia ki skhim bapher bapher ka council, ban pyntreikam ia ka aiñ kaba iadei bad ki iew ki hat ka council bad kumjuh ruh ha kaba iadei bad ka Meghalaya Land Survey Records Preparation Act 1980.

Haba kren sha ki lad pathai khubor u Executive Member ka tnat Town Committee u Bah Paul Lyngdoh u la ong ba ka EC ka la rai ban shim ia ka Town and Country Planning Act 1973 ban long kum ka tynrai jong ka aiñ ha kaba ka district council kan dei kawei na ki bor ban ai jingbit ban shna iing da kaba don noh ia la ka jong ka tnat ban peit.

U Bah Paul u la ong ba lyngba kane ka bor kaba thymmai, ka council kan nym dei shuh ban pyntreikam ia ka bye law jong ki MUDA hynrei ban shna ia la ki jong ki ain, bad ban sdang ia kane, ka EC ka la shim ia kane ka sienjam ban mynjur ban don noh ia katei ka regulatory authority bad shisien ba la don ia kane, donkam ban khlain ym bad ban don ki briew kiba la tbit, ki engineer, architect bad kiwei kiwei.

U CEM ka KHADC u Bah Titosstarwell Chyne u la ong ba nalor katei ka bynta, ha kane ka jingialang la rai ban pyntreikam noh ia ka Meghalaya Land Survey Records Preparation Act 1980, lyngba ka section-3 kaba la aibor da ka sorkar jylla ha ka council ban leh ia ka survey na ka bynta ki jaka ba hap hapoh u pud u sam jong ka council.

U la ong ba ka EC mynta ka la rai ba lyngba ka section 3, yn pyntreikam noh shwa ia kane ka aiñ ha ki jaka ba hap ha ki inter-state border, khnang ba yn ioh ia ka kaiphod kaba biang ha kaba iadei bad kito ki jaka khamtam kiba don ha ki thain iakajia khappud bad kiwei ki jylla.

Kane kan iarap shibun ban pynskhem, pynthikna ia ki jaka jong ngi ba don ha khappud. Ngi tip ba ka mat khappud ka dei kaba la slem bha, wat ka sorkar jylla ruh kam pat lah bad dang iaid da ki jingiakren, na ka liang ka council kat ka bor ba don ngin pyrshang.”

La iathuh Ki briew kiba dei trai ha ki thain khappud mynta ki la shah pynbor ha ka sorkar Assam ban register ia ka jaka jong ki bad ka Assam, kane kan long ka jingduhnong kaba khraw ia ka jylla ha kaba iadei bad ki jaka puta ha khappud, Kumta kin pyntreikam noh ia katei ka aiñ ba kin don ia ki kot ki sla kiba biang ban pynshisha ba ki jaka ki hap hapoh u pud u sam ka council.

La rai ruh ban pyntreikam noh ia ki skhim bapher bapher ban ai lyngba ki MDC ba kin ioh pyntreikam ha ki constituency ki jong ki bad ia ki jingtip ba bniah yn sa shong da ka Implementation Monitoring Committee ban bishar katno ka pisa ban mang.

Kawei pat ka mat ba la iakren ka dei halor ki iew ki hat jong ka council, ha kaba la rai ban pyntreikam noh ia kane ka aiñ kaba la tip kum ka Khasi Hills District Establishment and Management Control of Market Regulation Act 1979, ka aiñ kaba don ia la ka jong ka bor kumno ban peit ia ki iew ki hat ba hap hapoh u pud jong ka council. U la ong ruh ba la ai bor ia ka tnat ba nangne shakhmat ban pyntreikam noh katkum ka bor ka jong ka, ha kaba kin ki kyndon ban sa pynbna da ka tnat ha kaba iadei bad ki iew ki hat hapoh u pud u sam ka council.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet