Shillong, Naiwieng: Ka Dorbar Kur Mawrie ha ka 31.10.2020 ha ka Sngi Saitjian ka la ai khusnam bad pynkup burom kyrpang da ka song jingiarap ryngkat ka syrnot jingiarap ia ki khun samla jong ka Kur Mawrie kiba la wanrah nam bad burom ia ka Kur da ka jinglah jong ki ki ban pass bha haka eksamin SSLC bad HSSLC.
Ka Dorbar Kur Mawrie ka la pynpaw ka jingsngew sarong khamtam ia i samla Bahunlang Mawrie i ba la ioh 90% bad wan ha ka kyrdan ba khatsan ha ka eksam SSLC 2020 bad i samla Veon Mangkyrpang Mawrie ba la ioh 93% ha ka eksam ICSE 2020.
Ia kane ka jingialang pynkup burom la pynlong ha ophis ka Dorbar Kur Mawrie , Laitkor ha kaba la wan pynshngain lem da u Paiem Ainam Manik Syiem, Acting Syiem Hima Mylliem, u Myntri Midnightborn Kharlukhi ryngkat ka jingiadonlang u Bah Leonard Arun Mawrie, President Dorbar Kur Mawrie, ki Rangbah Kur, ki nongkitkam Kur, ki Seng Kynthei Kur bad ki Seng Samla Kur .
Ha katei ka sngi ka la don ruh ka jingai sngewbha kyrpang na ka liang u Bah Amit Mawrie, Vice -President ia ki dkhot jong ka Seng Kynthei Kur. Kane ka long katkum ka kyrwoh na i Bah Johnystar Mawrie, General Secretary ka Dorbar Kur Mawrie.
