New Delhi, July 29: Ka tnad ba dei peit ia ki kam jngohkai jong ka sorkar pdeng kala shim bun ki lat ki lynti kumno ban kyntiew ia ki kam shangsuwari sha ki nongkyndong bad kane ka jingpynshlur la leh lyngba ki website, ki social media ban kyntiew ia ki.
Ka sorkar pdeng kala iohi ia ka jingdon ka lat la lynti ban kyntiew ia ki kam jngohkai pyrthei sha ki shnong nongkyndong ha ka Ri India, da kaba pynshlur ba ki paidbah kin buh ia ki Homestay.
Ban tip ia ki jaka kiba itynnad kiba don sha ki nongkyndong, ka sorkar kala pynlong ia ka jingiakop ki shnong ba itynnad tam ha u snem 2023 bad ia ka shnong Raghurajpur hapoh ka jylla Odisha la ithuh kum ka shnong kaba khring bha ia ki nongwan jngohkai pyrthei ha u snem 2023.
Ka sorkar pdeng kala lap ruh ia ki jaka ha ki nongkyndong ban pyniasoh ia ki shnong ban long kawei ka lynti ban iaid ban khring ia ki nongwan shangsuwari lyngba ka skhim Swadesh Darshan Scheme.
Ka sorkar pdeng kala ai jingkyrshan pisa sha baroh ki sorkar jylla bad ki Union Territory lyngba ka tnad jngohkai pyrethei bad ka jingiarap ka long katkum ki kyndon kiba la buh bad ka shong ha ka jingphah skhim na ki sorkar jylla bad ki UT. Kane ka long katkum ka jingpyntip jong u myntri ba dei peit ia ka tnad jngohkai pyrthei Gajendra Singh Shekhawat da ka jingthoh ha Lok Sabha.
