Shillong, Naitug 29: Mynta ka sngi ki nongtrei jong ka Raj Bhavan Shillong kila pyndon burom ban ai khublei ia u Lat ka jylla u Phagu Chauhan shuwa ban mih na ka jylla ha dien ba la kut ka por jong u kum u Lat. Ha kane ka jingialang ai khublei ki nongtrei kila pynpaw ia ka jingsngewnguh ia u Lat ka jylla.
Ha ka jingkren jong u Lat ka jylla u la pynpaw ia ka jingsngewnguh ia ki nongtrei kiba la ai ka jingiatreilang ha ka jingdon jong u kum u Lat ha kane ka jylla, la ong ba da ka jingiatreilang la lah ban pyniaid ia ki kam ha ka jingdon jong u kum u Lat.
Ha ka juh ka por na ki nongtrei jong ka Raj Bhavan Shillong kila pynpaw ia ka jingsngewnguh ia u Lat u ba la btin lynti ia ki ha ka jingtreikam bad ka jingnoh syniang ha kiba bun ki liang, ha kane ka sngi la ai ia ka jingthoh sah kynmaw ka jngdon jong u kum u Lat ka jylla.
Ka jingpynsah kynmaw jong u Lat ka jylla ha kane ka jylla Meghalaya ka long ka jingpynieng ia ki Mawbynna ha khyrdop jong ka Raj Bhavan Shillong, ka jingdap 150 snem ka Raj Bhavan, bad ka jingwan jong u myntri rangbah duh jong ka Ri India ha ka sngi smai u myntri rangbah ka jylla u Conrad K Sangma bad ka jingwan ka President ka Ri India ha ka jingdon jong u kum u Lat ka jylla.
