Shillong, Nailar 24: U myntri ba dei peit ia ka tnad kam shna iing jong ka sorkar Meghalaya u Marcuise N Marak u la pan pisa shuh ka iing dorbar ha kane ka shien shong dorbar synrai kaba mynta sa T.3,71,16,273/- tyngka ban siew sha ki 18 ngut ki nongtrei ka Meghalaya State Housing Board.
Ka sorkar kala wantah ia Bill hapoh iing dorbar ban pynduh noh ia ka Meghalaya State Housing Board bad ha kane ka Baord haduh mynta ki dang don 18 ngut ki nongtrei kiba la pdiang ia ka jingtyrwa jong ka sorkar ba kim shum ia ka “Voluntary Retirement Scheme”.
Kane ka jingpan pisa shuh na ka iing dorbar ka long ban siew ia kitei ki 18 ngut k nongtrei kiba la shim ia ka VRS, ia kane ka pisa ka sorkar ka la dep ban mang naduh a 7/8/2024 bad ia kane ka pisa yn siew noh ha kine ki sngi.
Ka jingsiew ia kine ki 18 ngut ki nongtrei ka MSHB ka sorkar kala buh ban siew ha ka 27/Nailar /2024 ha ka jingialang kaba la buh ban long ha ophis treikam jong ka kaba don ha Madan Laban Shillong.
