Shillong, Nailur 23: Mynta ka sngi u Syiem barim jong ka Hima Mylliem u Pa,im Latho Manik Syiem u la khlad ha dien ba ka jingshitom kala bat katto katne por bad ka jingleh burom kaba khatduh kan long ha ka 25/Nailur/2024 ha lum jingthang ka seng khasi ha Laitkor.
U Pa,im Lathoh Manik Syiem u la long kum u Syiem ba shipor jong ka Hima naduh u snem 2002 haduh u snem 2006 kata saw snem bad ha u snem 2007 kala don ka elekshon ban jied ia u Syiem ba pura jong ka Hima ha kaba u la jop bad long syiem ba pura jong ka hima.
Kum u Syiem ba pur jong ka Hima Mylliem u la shimti ia kane ka khet Syiem ha u snem 2007 bad la neh ha kane ka kam kum u Syiem ba pura haduh u snem 20016, kum u Syiem, bad kum u Syiem ula shong ha ka khet 14 snem lynter.
U Pa,im Lathoh Manik Syiem shuwa ban poi sha ka khet Syiem u la jop kum u MDC na Nongkrem Konstitwensi ha u snem 1979, ha kane ka jinglong nongmih khmat la shah jied kum u Shongknor ka iing dorkar ha KHADC.
