Shillong, Nailur 23: Ki nonghikai SSA ha ka jylla Meghalaya ki don 12,541 ngut ha kaba ka sorkar haduh mynta kam don kata jingthmu ban ithuh noh ia ki kum ki nonghikai sorkar, wat la kane ka skhim jong ka sorkar pdeng kan kut ha u snem 2026.
U Commissioner Secretary ka tnad pule puthi u Vijay Kumar M u la ong ba kam dei kaba shisha ban ong ba ka sorkar kan ithuh noh ia ki nonghikai SSA kum ki nonghkai sorkar, kane ka dei ka jubab ia kaba la kylli da u SP News Agency.
Ha ka juh ka por la iathuh ba mynta ka taiew ka sorkar kan sa ia kren ha kaba ia dei bad ki nonghikai SSA bad ka jingiakren ka long ruh ha kaba ia dei bad ki skul kiba hap ha ka SSA ba kumno ban iaid nangne sha khmat.
Kumba ka long haduh mynta kam pat don kano kano ka jingpynshai na ka sorkar pdeng la kin dang bteng neh pynduh noh ia kane ka skhim nonghikai SSA, katkum ka skhim kane ka kam nonghikai SSA kan kut ha u snem 2026.
