Shillong, Nailur 23: Ka North Eastern 
Hills University Student Union (NEHUSU) mynta ka sngi ka 23 tarik u Nailur 2024 kala leit ban ia kynduh ia u vice Chancelor ka NEHU u Prof Prabha Shankar Shukla ha ka ban pynbor ban khot noh ia ka jingialang jong ka Academic Council hapoh ka shi taiew ban iakren halor ki 10 tylli ki mat ki ba la mynjur da ka UGC.
Ha ka jingiakren bad ki nongthoh khubor na ka liang u President ka NEHUSU u samla Sandy u la ong ba na ka liang ka seng kala dawa ba u VC u dei ban pyntrei kam mardor ia ka draft ordinance OC 20 ka ba la mynjur daka 112 Academic Council meeting ka ba la long ha u bnai Jylliew mynta u snem 2024 na ka bynta ka kynhun pule jong ka 2022-24 shakhmat.
U la ongruh ba ka jingdawa jongki ban khot ia ka emergence Academic Council ka ka halor ban ioh ban pynbeit kloi ia ki jingeh jong ki samla puke halor ka grading System ka ba la wan rah ia ka jingkular jingmut ha kine ki samla ki ba pule ha ki kyrdan PG.
Na ka liang u samla Sandy u la pyntip ruh ba ha kine ki khyndiat sngi ba la dep ki la ioh ruh ban leit ban ia kynduh ia u Control of Exam u la panpor ia ka NEHUSU ba ynioh ban peitbniah halor ka jingdawa jong ki khnang ba ki samla pule kin ymduh nong ia kane ka jingpyntreikam ia ka grading system ba thymmai.
Lah ban kdew hangne ba u Prof Shukla u la kyntait ban ia kynduh bad kine ki khynnah pule jong ka NEHU bad ki dkhot jong ka NEHUSU, hynrei na ka liang kine ki samla ki la hap ban leit ban rung da ka bor hapoh ka kamra trei kam jong u hadien ba ki la ap ia u ba ynkhot ban ia kren bad kine ki samla pule.
