Shillong, Nailur 25: U samla Donal V Thabah general secretary ka seng Khasi Student Union haba kren ha ki lat pathai khubor ha dien ka jingiakynduh ia u Lat ka jylla u Chandrashekhar H. Vijayashankar la ong ba kila ai ia ka dorkhas halor ki hynniew tylli ki mat jingdawa kiba ka seng kala dawa na ka por sha ka por.
Ki mat jingdawa kiba ka KSU kala ai mynta ka sngi kim dei shuh kiba thymmai hynrei kid ei kiba la juh ia kren na ka por sha ka por bad ka sorkar pdeng, sorkar jylla bad ki lat kiba la leit ruh.
Ka jingwan jong ka seng ban kynduh ia u Lat mynta ka sngi ka long ba kim iohi kano kano ka jingpynshai na ka sorkar pdeng ne ka sorkar jylla kaba la pynlong ia ka seng ban ia kynduh ia u Lat mynta ka sngi.
Ha kane ka jingiakynduh ka mat kaba ha khmat eh ka long kaba ki paidbah ki angnud ka dei halor ka Inner Line Permit, ba dei ha ka 19/Nohprah/2019 ka iing dorbar thawain ka jylla kala shim ia ka rai ban pyntrei kam ia ka ILP ha ka jylla.
Ha kane ka jingiakren la pynsngew ruh ka sorkar pdeng ka lah ban ai ia ka ILP ha u snem 2019 ia ka jylla Manipur bad balei pat ia ka Meghalaya kaba la iakhih naduh u snem 1985 bad ka jylla Manipur ki dang ia khih ha u snem 2013.
Ha kane ka jingiakynduh la ia kren ruh ia ka jingktah jong ka CAA ia ka jylla Meghalaya bad ia ka thain baroh kawei, haba phai sha Meghalaya la kynnoh bala bun sa tang ki briew kiba wan na Bangladesh na duh u snem 1971 bad kiwei ki ri bapher bapher kiba wan ban buhai shnong bad bun ki jaka ki trai shnong la long rit paid.
Ha kane ka jingiakren la kdew ba ka CAA kan nym trei kam ha ki jaka jong ki riewlum, hynrei ka ei kaba kaba seng ka dawa ba kam dei ban trei kam ha baroh kawei ka jylla bad ha ka thian baroh kawei ruh namar la ioh ia ka jingbun kiwei ki jaidbynriew.
Haba ia dei bad ka Indo Nepal Friendship Treaty kaba la soi ha u snem 1950 ka pynlogn ia ki Nepali ba kin wan buhai shnong ha kane ka jylla Meghalaya, la dawa ba dei ban pynliat noh ia ka jylla Meghalaya kane ka treaty.
Ha kane ka jingiakren la iakren ruh ba u Lat ka jylla u dei ban btin lynti lem ia ki ar tylli ki sorkar ka Assam bad Meghalaya ba kin ia pynbeit noh wat ka dang don ka jingiakren ki jingiakynad ka dang don ha khappud.
Haba ia dei bad ka Central Agriculture University kaba ka seng kala ia kren na ka por sha ka por bad ha u snem 2010 ka sorkar pdeng kala pynbna ban shna noh ia ka CAU ha Meghalaya bad la thied ruh ka jaka kaba 200 akar ha Kyrdemkulai, hynrei ha u snem 2019 ki pynykla noh sha ka Agriculture College bad pyniasoh bad ka CAU kaba na Imphal.
Ha kane ka jingiakynduh la ia kren ruh ia ka jingdawa ban pynrung ia ka ktien khasi ha ka khyrngit kaba phra jong ka riti synshar ka Ri India bad ka seng kala iakren ruh halor ka jingthung kam lyngba ka MCS bad kane ka jingiakynduh jong u Lat ka long ba ki samla ki dei hok ba ioh ia ka kam ai kin ioh.
