Shillong, Nailur 25: U Myntri Rangbah ka Jylla Conrad K Sangma ha ka sngi Balang, ula ong ba ka rai la ban ai jingbit ne em ban pynlong ia kino kino ki rally ka dei kaba shim da ki bor District ym ha ka kyrdan jong u Myntri Rangbah.
Haba jubab ia ka jingkylli halor ka jingpyrshah ia ka rally khang bam doh masi ha Shillong, u Conrad ula ong ba Wat ka NPP haba ki kwah ban pynlong rally, ki hap ban pan jingbit sha u DC bad hateng u DC ym ai jingbit wat ia ka NPP ban pynlong rally.
U la ong ruh ba kane ka rai ka shong eh ha ki bor District kam dei ha ka kyrdan u Myntri Rangbah wat lada u Myntri Rangbah u kwah ban pynlong rally na ka bynta ka party lajong, ngam shym la ioh jingbit hateng hateng na ki DC.
U la pynkynmaw ruh ha ka por ba u Commissioner & Secretary Sanjay Goyal, ha ka por ba u long SDO ka Ampati, uba khlem ailad ia ka party ban pynlong rally ha u 2008.
U Myntri rangbah ula ong ki long shai bha ia kane ha ka ba ka ai jingbit ki dei kiba ai da ki kyrdan Deputy Commissioner bad ka shong ha ki DC ban rai la kin ai ne em haba pynshong nongrim ia ki jinglong jingman bad kiwei kiwei ki kam.