Shillong, Nailur 25: Mynta ka sngi ki dkhot ka All Meghalaya SSA School Teachers Association (AMSSASTA) kila leit ban kynduh ia u State Project Director u Swapnil Tombe ba dei peit ia ka kam SSA bad ia u Commissioner bad Secretary ba deipeit ia ka tnad pule puthi ka sorkar jylla u Vijay Kumar Mantri ban pan jingshai halor ka jingong ba ka sorkar kan ithuh noh ia ki nonghikai SSA kum ki nongtrei sorkar.
U Bah Wanpyndap-Hi Lapang General Secretary ka seng AMSSASTA la ong ba kitei ki heh sorkar baroh ar ngut ha kane ka jingiakynduh kila pynshai ba ka sorkar kam don kata ka jingthmu ban shim ia ki nonghikai SSA kum ki nonghikai ba pule jong ka sorkar jylla, ia kane kila kren shai ha ki nongialam ka seng ha ka jingiakynduh mynta ka sngi.
La ong ba ka jingdawa jong ka seng na ka sorkar ka long ba ka sorkar ka dei ban pynkiew noh ia ka tulop jong ki nonghikai SSA da 100% ha shuwa ka 30/ Nailur /2024 mynta u bnai, ha kane ka jingiakynduh na ka liang jong ka sorkar kila pan jingmut kumno ban leh ia kane ka kam na ka seng.
Kum ka seng kala dep ban dawa na ka sorkar ba ka dei ban pyniaid ryntih ia ki nonghikai la kumno kumno 50% na ki kam hikai kiba lait haduh ban da deplut ia ki nonghikai SSA, kitei ki ophisar kila ong ban ithunoh kum ki nonghikai sorkar kan nym lah ban long.
Haba ia dei bad ka jingdawa ban pynkiew iaka tulop na ka liang jong kitei ki ophisar ba dei peit ia ka tnad pule la ong ba kila ong ba ka jingdawa ka long kaba dei namar la slem khlem pat kynkiew ia ka tulop jong ki, hynrei halor ka jingong ban ithuh kum ki nongtrei sorkar kam kam long kaba shisha bad kam don kum katta.