Shillong, Nailur 26: ka Mynken Christian Higher Secondary School ka ba na Ri-Bhoi District ka ba dei ruh ka kynhun ialehkai phainal U-17 jong ka Subroto International Cup 2024, mynta ka kynti kila shah jied ban mihkhmat ia ka India sha ka Indo-French Football Tournament ka ban long ha Paris naduh ka 25 tarik Naiwieng 2024.
Ka Mynken Christian Higher Secondary School kaba wan ba-ar lem bad ka TG English School jong ka Jylla Manipur kaba dei ka lahduh kin dei ki artylli ki skul kiba la shah jied da ka Subroto Cup Society ban mihkhmat ia ka ri India ha ka Indo-French Football Tournament.
Kane ka Indo-French Football Tournament, ka dei kaba la pynlong da ka Indo-French Sports Association ha ryngkat bad ka Mairie de Malakoff, da ka jingthmu ban ai ka rynsan ia ki khynnah ba don sap ban ialehkai phutbol ka Ri India ba kin tyngshain ha ki rynsan ka pyrthei.
Kane ka lympung ialehkai kan long ha Complexe Sportif Marcel-Cerdan ha Paris, bad kin don haduh 10 tylli ki kynhun ki ban ialehkai na Ri-India bad France.
Ka kyhun kaba jop kan ioh ia ki jinghikai ba shi taiew bad ki club bapawnam ka Ri, ka kabu ban shah jied ha ki club, ka song pisa bad ka trophy, kaba long ka kabu ksiar ia kine ki khynnah ialehkai ban kyntiew ialade ha kane ka jingialehkai.
U Myntri Rangbah ka Jylla Conrad K Sangma haba thoh ha X ula ong ba ka sap ialehkai bat bit jong kynhun U-17 ka Mynken Christian Higher Secondary School kala ialam ia ka kynhun na ka jingwan ba-ar ha ka Subroto Cup sha ki madan ialehkai ka pyrthei ha Paris. Nga kitbok ia ka kynhun ha kane ka Indo-French Football Tournament.
