Shillong, Nailur 27: Mynta ka sngi ka District Magistrate jong ka East Khasi Hills District ka kong RM Kurbah IAS, kala ong ba kila ioh jingtip ba ka don ka kynhun “Gau Dhwaj Sthapana Bharat Yatra” ba ka don ka jingthmu ban pynlong ia kajingiaid paidbah ha Shillong ha ka 2/Risaw/2024.
Ka District Magistrate kala pyntip ba kam shym don kano kano ka jingpan jingbit ban pynlong ia kata ka jingiaid paidbah, ha ka juh ka por ba kum kata ka jingiaid ruh kan wan rah ia ka jinghuri hura ha kane ka nongbah Shillong bad ha East Khasi Hills District.
Kumta na ka liang jong ka kong R M Kurbah IAS, kaba dei ka District Magistrate jong ka East Khasi Hills District, katkum ka bor kaba la pynkup ha ka kyndon 163 BNSS, da ka jingthmu ban iada na kano kano ka jinghuri hura ne ka jingiatyngkhuh ha pdeng ar kynhun bad kane kan wanrah ia ka jingklumar.
Halor kane ka nongrim la khang pyrshah ia ka ialum ne mut ban iaid lang palat ia ka san ngut hapoh kane ka nongbah Shillong bad ki saw dong sawkun jong ka nongbah Shillong baroh kawei la khang pyrshah ban ia lum briew.
Na ka liang ka District Magistrate kala pyntip shai ba lada don kano kano ka jingpynkhien ia katei kaba la pynjari kin ngat ha ka jingpynshitom hapoh ka kyndon 223 BNS bad kiwei ki kyndon katba shah ki kam jingleh.
Na ka daw jong ka jingdawa kyrkhih jong ka kam, kane ka jingpynjari ia ka kyndon 163 BNSS kan trei kam noh mardor naduh mynta ka sngi 27/Nailur/2024 haduh ban da pynbna da kumweipat, ia kaba la soi da ka kong RM. Kurbah, IAS,District Mapistrate East Khasi Hills District, Shillong.
