Shillong, Nailur 24: Mynta ka sngi u Chief Secretary ka jylla u bah DP Wahlang u la khot ia ka jingialang,na ka tnad pulit, ka tnad kam poh iing, ki bor jong ka District Adminstration bad ia ka Central Puja Committee ban ia kren halor ki khubor ba un Gau Dhwaj Sthapana ban pynlong ia ka Bharat Yatra.
U Chief Secretary u la ong ba ka sorkar kam shim ia kata ka khubor hana, hynrei ka shim ha dien ba kala ioh ia ka jingtip kaba thikna mynta ka noh phai sngi ba ka liengsuin jong u Shankaracharya ha Shillong Airport, Umroi u ba ialam ia ka Gau Dhwaj Sthapana Bharat Yatra.
Ha dien bala ioh ia kane ka jingtip kaba thikna ba ka jingwan kan long la shai ka sngi, la khot ia ka jingialang ban ia kren bad ha dien bala ia kren la shim ia ka rai ban nym shah ban hiar katei ka liengsuin ha Umroi, ka daw ka long ba ka don ka yier ioh mih ka jingklumar.
Na ka liang jong u J L Das General Secretary ka Central Puja Committee la ong ba kim don bynta ei ei bad kata ka jingwan bad kim tip ruh ia kata, la kyntait mar dor ba kim dom bynta ei ei ruh em kum ki nongshong shnong kane ka jylla.
Mynta ka sngi la ioh ba ki seng bhalang kila leit sha kad lieng suin Umroi ban pynpaw ia ka jingpyrshah ia kata ka jingwan jong u ta u briew ban pynlong ia kata ka jingiaid paidbah ban dawa na ka sorkar pdeng ban ithuh ia ka masi kum ka kmie.
