Shillong, Naiwieng 23: Ka jingniew vote iaka elekshon shiteng samoi ha 56-Gambegre (ST) Assembly Constituency kaba la long mynta ka sngi, ha kyrtong jong ka party NPP ka Mehtab Chandee Agitok Sangma kala jop da 4594 vote pyrshah ia ka kyrtong ka AITC ka Sadhiarani M Sangma.
Ka Kyrtong jong ka NPP ka Mehtab Chandee Agitok Sangma kala ioh 12687 vote, ka Sadhiarani M Sangma kala ioh 8084 vote, u Jingjang M Marak INC u la ioh 7695 vote, u Bernard N Marak BJP u la ioh 710 vote, u Jerry A Sangma u la ioh 706 vote bad u Sengkrabirth M Marak ula ioh 147 vote.
Haba kren ha ki lat pathai khubor ha dien bala pynbna ia ka jingjop da u Returning Ophisar , ka Mehtab, kala ong ba ki paidbah kila jied ia ka jingkylla bad na ka bynta ki kam pynroi, mynshuwa ymjoh jop hynrei mynta ki paidbah ka 56-Gambegre kila vote na ka bynta ka jingkylla, kala ai khublei ia ki paidbah kiba la pynjop don burom ia ka party NPP.
U Myntri Rangbah ka jylla u Conrad K Sangma u la ai khublei ia ki paidbah jong ka 56-Gambegre kiba la pynjop don burom bad na ka liang jong ka sorkar kan ialeh katba lah ban pynurlong ia ki jingdon ki paidbah ka konstitwensi, la ai khublei ia baroh ki nongtrei ka party kiba la trei shitom naduh ki MLA, ki nongtrei party ban ioh ia kane ka jingjop.
