Maligaon, Naiwieng 23: Mynta ban wat ia ki mobile ba jah skut ha Railway Station kala suk ha kaba ki Railway Protection Force (RPF) jong ka N.F. Railway (NFR), mar ia pyntip da ki nongleit nongwan ba ki jah ne shah tuh la pyntip sha ka Rail Madad App, kaba dei ka bynta jong ka Cyber Crime.
Da ka jingiarap jong ka Central Equipment Identity Register (CEIR) hapohka portal jong ka Department ka Telecommunications (DoT), kumba ka long mynta katei ka portal ka iarap ban wat ia ki tiar ba jah ha baroh ki jaka ba hap ha ka Net Work ka jylla Assam.
U Principal Chief Security Commissioner (PCSC) ka NFR u ia treilang bad ka tnad tohkit ka jylla Assam bad ka Department ka Telecommunication ka Guwahati ba kin ia treilang ha ka CEIR naka bynta ka NFR. Ki nongmih khmat na ka ophis jong ka PCSC jong NFR ki ia treilang bad ka Ministry ka Communication ha New Delhi.
Naduh u bnai Jymmang 2024 RPF jong ka NFR kala sdang ban pyntrei kam da kine ki kor ki bor ba mynta ban wat ia ki mobile kiba jah da kaba pyndap ia ki jingtip baroh sha ka CEIR portal ia ka mobile ba jah.
Naduh bala pyntreikam haduh mynta la ioh biang ia ki mobile ba jah 687 tylli bad 277 tylli la ioh ban pyndon kam biang bad na kitei 49 tylli la ioh biang bad la iohban kem 12 ngut ki nongtuhmobile ha station rel bad mynta la don ka jingthmu ban pyndon kam ia kane ka CEIR ha baroh ki jylla ba don lynti rel.
Ka jingshah tuh mobile ha baroh ki station rel ka long kaba la jubor bad kane ka long ka jngsngewkhia jur ia ki bor pyniaid bad da ka jingwan kane ka tehknoloji kan iarap ban thwet ia ki nongtuh mobile bad ban pynioh biang ia ki mobile.
