Shillong, Nohprah 11: Ka Seiñ Kur Dkhar East Jaintia Hills District (SKDEJHD), kan pynlong ia ka Annual General Council jong ka, na ka bynta u snem 2024, ha Community Hall, jong ka shnong, Khliehriat West, East Jaintia Hills.
Ka jingialang kan long ha kane ka 14 tarik Sngi Saitjaiñ ban wan, jong u Nohprah, 2024, ha ka por, 11:00 AM, khang ban iapyrkhat, iakren bad iapynbeit ia kiba bun ki kam ki jam, kynthup ruh ban pynthymmai ia ki nongkit kam jong ka, na ka bynta ka Samoi Treikam 2024-2027.
Kumta, lyngba une u kyrwoh, ka SKDEJHD, ka pyntip paidbah sha baroh ki parakur Dkhar, kiba don hapoh jong ka East Jaintia Hills District, kynthup ia baroh ki para kur Dkhar kiba don hapoh ki tnad treikam, naduh ki Circle haduh ki Unit bapher bapher jong ka Seiñ Kur Dkhar East Jaintia Hills District.
La kyrpad ba kin sngewbha ban iapynlait por khnang khnang, ban iawan ryntih bad biang por sha katei ka Annual General Council jong ka Seiñ Kur Dkhar East Jaintia Hills District, khang ba kan long kaba phuh ba phieng, kaba shongkun, bad ruh, khnang ba ki kam ban sa iakren bad iapynbeit, kin long kiba iait beit iaid ryntih bad kiba jop.
Kumjuh ruh, lyngba une u kyrwoh, la kyrpad ruh ia baroh ki nongkit kam jong ki Circle bad ki Unit bapher bapher, kiba don hapoh jong ka Seiñ Kur Dkhar East Jaintia Hills District, ba kin sngewbha ban iapynbna paidbah ia kane, ha la ki jong ki jong ki shnat treikam jong ki khnang ba ki parakur Dkhar baroh kin iatip lang.
La pynlait ia une u kyrwoh da u Mr. Teras Dkhar, President bad u Mr. M H Dkhar, Adhoc General Secretary jong ka Seiñ Kur Dkhar East Jaintia Hills District, kane ka long katkum ka kyrwoh kaba la phah da u bah M H Dkhar general secretary ka seng kur ka East Jaintia Hills District.
