New Delhi, Nohprah 12: U Myntri khynnah ka sorkar pdeng ba dei peit ia ka tnad pathai jingtip bad kam pynroi nongkyndong u Dr.Pemmasani Chandra Sekhar ha ka jubab bala ai da ka jingthoh haba jubab ia ka jingkylli ha Rajya Sabha mynta ka sngi ba ki dang don 21,291 tylli ki shnong kiba khlem pat ioh ia ki mobile.
Ha ka jingthoh kaba jubab ia ka jingkylli la ong ba baroh ki shnong ha ka Ri India ki don 6,44,131 tylli bad na kine kiba la ioh ia ka jingpyniasoh da ka mobile ki don tang 6,22.840 tylli kaba mut 21,291 tylli ki shnong kim pat don mabile kat haduh ka 30/09/2024.
Na ki 6,22,840 tylli ki shnong kiba la ioh mobile, ki don 6,14,564 ki shnong kiba dang ioh ia ka 4G mobile haduh ka 30/09/2024, hapoh ka Under Pradhan Mantri Janjati Adivasi Nyaya Maha Abhiyan (PM JANMAN) Mission.
Na ka tnad Ministry ka Tribal Affairs, ki don 4,543 ki shnogn jong ki riewlum bala tip kum Vulnerable Tribal Group (PVTG) kiba ym pat ioh pyniasoh da ki mobile na kitei 1,136 PVTG la pyniasoh da ki mobile.
Ka sorkar pdeng kala pyntrei kam ia kiba bun ki kshim hapoh ka Digital Bharat Nidhi ban dang pynkhlain ia ka jingpyniasoh ia ki shnong ki thaw da ki mobile sha ki nongkyndong bad la shna shuh shuh haduh ka 31/10/2024 sa 1,018 mobile towers ha ka skhim Digital Bharat Nidhi funded mobile projects ba kin ioh ia ka 4G PVTG ha ka jinglut kaba T.1,014/- klur tyngka.
