Shillong, Nohprah 13: Ki shipai BSF kila ioh ia ka jingtip ba u wei u briew ba dei khar Bangladesh u la wan rung sha Meghalaya bad la poi sha Shillong, ahlor kane kila ioh ban kem ia u na Anjalee Petrol Pump ha Shillong.
Ha ka jingtohkit la phla ha ki BSF ba ka kyrteng jong u ka dei Munna Islam 20 snem na Narayanganj, Bangladesh,la ong ba u la wan rung sha India ha u Nailar 2024 ha dien bala mih ka jingiakhih ha Bangladesh.
La ong ba ka jingwan phet jong u sha India ka long ban wan wat bylla, ki BSF kila aiti ia une u khar Bangladesh sha ki pulit Kench’s Trace Beat House ha dien ba kila pyndep ia ki jingtohkit katkum ki kyndon ain.
Ki Shipai BSF kila ioh ruh ban kurup ia ki mar khaii tuh sha Bangladesh na Dawki bad Baghmara baroh ki tiar kiba la ioh ban kurup kala kot sha ka T.3.74 lak tyngka, ia ki tiar kiba la ioh ban kurup la aiti sha ki Customs.
