Shillong, Nohprah 13: Mynta ka sngi ka North East Students Union (NESO) kala khot ia ka jingialang jong ka Executive Council Meeting kaba la long ha Guwahati mynta ka sngi kila ia kren bniah halor ka jinglong jingma ha Manipur.
U bah Samuel B Jyrwa shongknor ka NESO la ong ba ha dien bala kut ka jingialang, la iathuh ba ha dien ka jingiakren kaba bniah halor ka jinglong jingman haka jylla Manipur bad kila shim ia ka rai ba ka jingialeh ban wanrah ia ka jingshong suk ha ka jylla Manipur kan iai bteng.
Ia kane ka kynhun ban wad ia ka jingsuk ha ka jylla Manipur yn ialam da u Secretary General u Nutsikhoyo Yhobu bad ka jingkyrshan ki samla pule bad u nongai buid kin iakren bad ki kynhun bapher bapher ban wat ki lat ki lynti ban wanrah ia ka jingsuk ha jylla Manipur.
Ha ka juh ka por ka seng samla pule NESO ka pynpaw ia ka jingpyrshah jur ia ka jingbym leh ei ei ka sorkar pdeng wat ha dien khatphra bnai ki jingiakhih hapoh katei ka jylla Manipur ha kaba ka sorkar pdeng kam shym leh eiei ban wanrah ia ka jingsuk.
Ha kane ka jingialang ka NESO kala iakren ruh ia ka jingiada ia ki rit paidbah kane ka thain hapoh ka riti synshar ka Ri India namar ka Assam Accord kala shu neh ha suin la bun bun snem kabala kot mynta 29 snem ha kaba ki paidbah ka jylla Assam kila mat ia ki jingeh.
Ka NESO kala iakren ruh ba dei ban khang khyrdep ia ki khappud bad Indo-Nepal border bad khappud bad ka Bangladesh dei ban ker ksainar shiah bad ban pahara ha ka rukom kaba dei, kumba ka long ka sorkar pdeng ka dei ka nongpeitkai ia ka jingwan rung ki khar Bangladesh.
Kuma ka jinglong jingman mynta ha Bangladesh ka NESO ka dawa na ka sorkar pdeng ba kan pynkhlain ia ka jingpahara ha khappud bad ka Bangladesh ban pynthikna ba ki khar Bangladesh namar kumba ka long mynta bun ki District ha Assam ki trai shnong kila kylla rit paid.
Ha Assam ha ki 11 tyli ki District ki trai shnong kila kylla rit paid hala ka jong ka jaka bad kumba ka long ha ka jylla Tripura, kala dei ka por ba ka sorkar pdeng ka dei ban peit bha ia ka khappud ha pdeng ka India bad Bangladesh ba khang khyrdep ia ki khappud bad ka Bangladesh ban khanglad ia ka jingwan rungtuh.
Ha kane ka jingialang ka NESO kala iakren ia ka jingjia hapoh ka skul bah NEHU ha kaba KSU kala thoh sha u myntri ka tnad pule ka sorkar pdeng ban ioh ia ka jingda ki hokjong ki samla puple ha katei ka skul bah NEHU
