Shillong, Jylliew 09: La ioh jingtip ba ha ka 18 tarik, Iaiong 2026, kumba 7:18 baje mynmiet, la ioh khubor na u nombar kyrkieh 112, ha kaba iadei bad ka jingjia aksiden ha surok bah Nh-6, kaba la jia ha 13 mer, Byrnihat Ri-Bhoi, Meghalaya.
Haba la kylli, la tip ba la don uwei u briew ba la phone sha u 112, u Mirajul Rehman ba u la lap ba la don uwei u briew bym shym la ithuh ba la mynsaw jur bad thiah lyngktar ha surok bad la suba ba u la tynrah ha ka kali bym shym la ithuh bad kata ka kali ka la phet noh phak na katei ka jaka.
Katba ia uba la mynsaw jur, la kit noh sha PHC jong ka Byrnihat da ka kali kit nongpang 108 na ka bynta ban ioh jingsumar. La ong ruh ba uba shah tynrah kali u dei uba la iaid wir la slem ha katei ka surok bad ym shym la tip ia ki bahaiing baha sem jong u.
Hadien katei, la kit noh ia u sha NEIGHRMS hospital, Shillong na ka bynta ka jingshah sumar. Hynrei, ha ka 5 tarik, Jylliew 2026, kumba 7 baje mynstep, la ioh jingtip lyngba ka phone na katei ka jaka sumar ba ia utei u briew bym shym la ithuh, u la khlad noh ha ka 5 tarik, Jylliew, 2026 kumba 12 baje shiteng miet. Katba ia ka met, la buh ha kamra ba buh metiap jong ka NEIGHRMS hospital.
Watla ym shym la tip ne ithuh ia ka met iap jong utei u briew bad ym shym la lap ia ki ba ha iing ba ha sem jong u, kumta ia katei ka met, ym pat don ba wan kam tad haduh mynta.
Ia ka met jong u bym tip kyrteng dei u shynrang ba la don ha ka rta hapdeng 40 haduh 50 snem . Ki jain kiba u phong ki long ka T-shirt ba rong blue bad ka patlun track pant ba rong blue. Kino kino kiba tip shaphang jong une u briew bad jaka sah jong u, la kyrpad ba kin pyntip sha ka Police Control Room(PCR) Nongpoh : Mobile No. 9856084514.
