Shillong, Nailur 06: Ka KSU Photjau
d Rangthong Unit kum shibynta ban pynsngewthuh paitbah halor u khniang Corona Virus bad kumno ban shim iaki lad ban iada shimet shimet na kane ka khlam ka la ioh ban sam sha ki katto katne ki paitbah bad ki longing jongka Shnong Photjaud Rangthong, South West Khasi Hills District.
Ha kane ka sngi iaka kynhun jongka Seng la ialam da u samla Shiningstar Lyngdoh General Secretary KSU Photjaud Rangthong Unit , u samla Donaldstone Thongni Finance Secretary KSU Photjaud Rangthong Unit bad kiwei kiwei ki dkhot jong ka seng.
Ka jingshim jong ka Seng ia kane ka bynta ka long hadien ba ngi la iohi iaka jingkiew jong ka khlam COVID-19 ha kylleng ka jylla bad ka pyrthei . Katba nang iaid ki sngi ngi la iohi ba ki jingpyrkhing ruh la nang pynjynsur kumta ka la dei ka por ba ki paitbah kin sngewthuh kumno ban iada ialade da lade .
Ha kajuh ka por ka Seng ka sngewdei ban kyntu iaki paitbah ba kim dei ban tieng ne syier ne don kano kano ka jingpeit niewpoh iano iano ha kum kine ki por jongka jingeh iaka Jaitbynriew bad ka pyrthei baroh kawei.
Ha kajuh ka por , ka Seng ka sngewdei ban nang iai kyntu iaki bor District bad ki bor sorkar ban nang pynlong shuh shuh iaki kynja awareness programme ne ki jingpynsngewthuh paitbah halor ka khlam COVID-19 khnang ban pynduna iaka jingmih jong ki positive cases da kaba pynthikna ba ki paitbah ki lah ban bud ryntih iaki lad jingiada bad ruh ban don ka jingiatrei lang bad iasnoh kti lang ha ka ban iada na kane ka khlam.
Ka Seng ka kitbok kitrwiang iaki paitbah nongshongshnong ba kin ioh iaki met ba shait ba khlain bad ngi ai ruh ka jingkyrshan ba pura iaka tnad ka koit ka khiah jongka South West Khasi Hills District kiba la trei shitom baroh shikatta ban iada na kane ka khlam, la ong u samla Donaldstone Thongni , Finance Secretary KSU Photjaud Rangthong Unit.
