Shillong, Risaw 12: Ka kong Sahittina Ïawim na ka shnong Mawdong bad ki nongsakhi kila iathuh sha ki lait pathai khubor ba ha ka sngi u Blei kala don ka jingshah ktah kti ka jong bad u bah Holdmark ïawram ha lat hat Thymmai kaba hap hapoh ka raid Nongskhem tnang na ka daw ba kala ong ia ki san ngut ki briew ba balei ki timsih.
Namar kala don ka jingktah kti kala ujor sha ki pulit jong ka Pynursla bad na ka liang jong ki pulit ruh kila hiar ban kem iaki san ngut ki briew kiba shah kynnoh, wei na Nongskhem bad saw ngut na Mawdang, hynrei kala kynnoh ba kam shym don na ki bor shnong ba iarap.
Kala air uh ka jingiaroh ia ki briew kiba don ha jan kiba la pyrshang ban pyniakhlad bad kane kala pynlait na ka jingmynsaw bad ia kane ka jingjia katei ka long kmie kala pynsakhi ruh da video kiba la ioh ring da ki briew kiba don ha katei ka por.
Halor katei jingjia mynta ka sngi u SIrdar ka Raid Nongkshen u bah Sukher Nongrum, u rangbah shnong Nongskhem u bah Thombor Marbaniang haba kren ha ki lat pathai khubor mynta ka sngi ha Shillong Press Club kila kubor ba don ka jingiashoh ha surok lat hat Thymmai.
Ha ka juh ka por ki rangbah shnong jong kitei ki ar tylli ki shnong kila pynshai ba kim shym ioh kano kano ka jingujor ban pyntip ba ka don kata ka jingiashoh, kila ioh jingtip ba kala don ka jingjia hynrei namar ba kam don ka jingujor kila shu sngap da ka jingpyrkhat ba la lah ban ia pynbeit.
Hynrei ynda la poi ki pulit na Pynursla ki sa kyndit bad kum ki nongalam shnong kila leit sha Pynursla Police Station ban iakren namar la shah rah ki briew nap oh shnong, hynrei katei ka kong Sahittina Ïawim kala pyneh ba kam kwah ban don ka jingiasuk bad kane kala kren ha khmat ki pulit.
Na ka liang jong ka shnong Nongskhen bad Mawdang ki pynshia ba kam don kata ka jingong ba kim leh ei ei ka daw ka long ba kim shym ioh ka jingujor, jin da la ioh ia ka jingujor kum ka shnong kan ai ia ka jingbishar kaba dei khlem da don kano kano ka jingiashah liang.
