Shillong, Jylliew 21: Ka Commissioner Custom kala ai bor ban shna ia ki bill ba shallan mar sha Bangladesh da kaba thoh da kti kum ba juh leh na ka daw ba kam biang ka internet jong ka BSNL ha Dawki lang por.
Ha kine ki sngi ki kali kit mawshun sha Bangladesh kila sah kut ha Integrated Check post ha Dawki Land Port kim lah ban rung sha Bangladesh namar ym lah ban shna bill byn don internet ka BSNL ha Dawki.
Na ka liang jong ki nongkhaii sha Bangladesh ki ai khublei ia ka Commissioner Custom kaba la ai ia kane ka jingbit ba ka Superintendent ki Custom ha Dawki kin ioh ban shna ia ki bill, ka jingkhublei ka leit ruh sha ka kong Clara Nongrum kaba sngewthuh ia ka jingeh.
Haba kren ha u SP News Agency ka kong Dolly Khonglah secretary ka MIECC, ka long ba kid a kyrpad ia ki bor pyniaid ba kin pyndon kam lem ia ka internet jong kiwei ki company namar ban shaniah tang ia ka BSNL kan buh ha ka jingeh.
