Ai burom ka KSU ia u rangbah shnong Jalaphet ba weng noh ia ka NOC sain Dewiong

Shillong, Naitung 11: Ka Khasi Student Union Jalapher Unit kala ai jingiaroh ia u Waheh Shnong jong ka Jalaphet East Jaintia Hills halor ka jong la kloi jong u ban kubur lang iaka jingbakla da kaba u la rai ban weng iaka NOC kaba u la dei ai naka bynta ban shna iaka Karkhana sain dewiong.

“Baroh u briew u don beit ka jingbakla, hynrei ka jingkloi ban panmap bad ka jingkloi ban sngewthuh ia la ki jingbakla kata kadei kaba kongsan tam” la ong u samla E Chyrmang President ka KSU Jalaphet Unit

“Lada baroh ki nongialam shnong jong ka Ri jong ngi  ki ia sngewthuh lang iala ka jingbakla, kumta ki Bor na bar kin nymioh ban shimkabu iaka jaitbynriew ka jong ngi” ula ong shuh shuh.

Hynrei watla katta ruh naka liang ka Seng ka la ong ba kan iai buddien iakane ka kam tad haduh ban da lah ban weng shisyndon iaka NOC.

Lah ban pynkynmaw ba u Waheh shnong ka Jalaphet u ma Wom Chyrmang ula dep ai iaka NOC shaka Hard Coke Factory naka bynta ban pynieng iaka Karkhana sain rnga dewiong ha katei hi ka shnong, hynrei hadien ba ki paidbah ki la pyrshah iakatei ka jingai NOC kumta ula rai ban weng iakatei ka NOC.

Ka Seng ka kyntu ruh ia uteu u Rangbah ba nangne shakhmat haba don kino kino kiba pan NOC naka shnong umdei shuh ban ai marwei hynrei u dei ban  pyllong daka Dorbar Shnong khnang ban ia tiplang da u paidbah baroh.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet