Ai dorkhas ka HSPDP sha u Conrad dawan ban wanrah ia ka para12(b)ha ka Sixth Schedule

Shillong, Naiwieng 18: Ka party HSPDP kaba dei kawei na ki kynhun kaba don lang ha kane ka sorkar synrop ka Meghalaya Democratic Alliance (MDA)  mynta ka sngi kala leit ban ai ia ka dorkhas sha u myntri rangbah ka jylla u Conrad K Sangma ban kyntu ia ka sorkar ban buh ia ka para-12 (b) hapoh jong ka Sixth Schedule.

Ha kane ka jingiakynduh ia u myntri rangbah kum ka party HSPDP kala ai lang ia ka dorkhas ban pynpaw ba kum ka party ka pyrshah ia ka Citizenship Amendment jong ka sorkar pdeng kaba thmu ban wanrah hapoh dorbar parliament ha kane ka dorbar tlang kaba la iaid mynta.

Haba kren ha ki lad pathai khubor u secretary jong ka party u bah Reniktone L Tongkhar u la ong ba ka jingdawa jong ka party ban pynkylla ia ka Para-12(a) ka dei kaba la slem naduh kip or kiba mynshuwa, hynrei mynta ki dawa ba dei ban weng noh ia ka para 12(a) na ka Sixth Schedule bad buh noh da ka para 12(b).

U tei u MLA jong ka Mawkyrwat u la ong ba kane ka dei ka por kaba biang bha namar mynta ka dang don la lynti ha kaba ka sorkar pdeng ka kwah ban wanrah ia ka jingpynkylla ia ka Sixth Schedule jong ka Riti synshar. Lada lah ban buh ia ka para 12(b) pynduh noh ia ka para 12 (a) kaba mut ba tang ka jingsoi jong u Lat ka jylla la lah ban nym pyntrei kamia ki sain ka sorkar pdeng ha ka jylla.

U Secretary jong ka party HSPDP u la ong ba lada ha ka jylla Assam la lah ban pyntrei kam ia ka para 12(b) kan eh aiu ha kane ka jylla ruh lada pynduh noh ia ka para 12(a). kane ka long ka jingai jingmut jong ka party sha u myntri rangbah ka jylla, kum ka party kala kyntu ba dei ban khot ia ka dorbar kyrpang ban ia kren ia kane.

La iathuh ba na ka liang jongu myntri rangbah ka jylla ruh u la sngew ia hap ia kane ka jingai jimgmut jong ka party, hynrei u la ong ba u dang hap ban ia mir jingmut shuwa ba ka tnad ain jong ka sorkar bad kum juh bad u Advocate General jong ka jylla la kan don ne em ka jingiatyngkhuh hapoh ka riti synshar.

U Bah KP Pangniang president jong ka party u la ong ba wat la ki don ki ain ban iada na ka jingwan tuid ki briew kiba na sha bar sha kane ka jylla, hynrei na ka liang jong ka party kala ai da ka jingthoh sha u myntri rangbah ban pynpaw shai ba kum ka party ka pyrshah ia ka CAB ba ka sorkar pdeng ka thmu ban pyntrei kam.

U bah Samlin Malangniang u ba dei u myntri jong ka sorkar ha kane ka sorkar khleh khlawlang ka MDA, u la ong ba ka nongrim jong ka party ka long ban iada ia ka jaibynriew kumba kila kren na ka por sha ka por bad bad lada lah ban ioh ia ka para 12(b) kan dang ia da shuh shuh ia ka jaidbynriew.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet